قازاقستاندا بيىل قاراشا ايىندا بالا كۇتىمىنە جəنە قامقور بولۋعا ارنالعان ءموبيلدى قوسىمشا ىسكە قوسىلادى. بۇل تۋرالى بۇگىن "قازاقستاندا ەلەكتروندىق دەنساۋلىق ساقتاۋدى دامىتۋ" تاقىرىبىندا وتكەن ءباسپاسوز كونفەرەنتسياسى بارىسىندا قر دەنساۋلىق ساقتاۋ مينيسترلىگىنىڭ رەسپۋبليكالىق ەلەكتروندىق دەنساۋلىق ساقتاۋ ورتالىعى باس ديرەكتورىنىڭ مىندەتىن اتقارۋشى ولجاس Əبىشەۆ حابارلادى.
ونىڭ ايتۋىنشا, وسىعان ۇقساس قوسىمشالار ۇلىبريتانيا, اۆستريا, شىعىس ەۋروپا ەلدەرىندە پايدالانىلادى.
"2017 جىلدىڭ سوڭىنا دەيىن پاتروناج مەيىربيكەلەرى مەن جاس اتا-انالاردىڭ كىشكەنتاي بالالارعا كۇتىم جاساۋىنا كومەكتەسۋگە ارنالعان ارنايى ءموبيلدى قوسىمشالار ىسكە قوسىلادى. ولار قازاقستانداعى بالالار قورى (يۋنيسەف) مەن دەنساۋلىق ساقتاۋ مينيسترلىگىنىڭ رەسپۋبليكالىق ەلەكتروندىق دەنساۋلىق ساقتاۋ ورتالىعى اراسىنداعى كەلىسىم نەگىزىندە əزىرلەنەدى", دەدى ولجاس Əبىشەۆ.
جيىن بارىسىندا بەلگىلى بولعانداي, "پاتروناج مەيىربيكەسى" ءموبيلدى قوسىمشاسىن پايدالانۋ بالا تۋرالى دەرەكتەردى تولتىرۋ جۇمىستارىن جەڭىلدەتەدى. ياعني, مەيىربيكەلەر ءۇي جاعدايىندا بالاعا كوبىرەك كوڭىل بولەتىن بولادى.
گۇلنۇر قۋانىشبەكقىزى, "ەگەمەن قازاقستان"