مەملەكەت باسشىسى كەزدەسۋدە سىرتقى ىستەر ءمينيسترىنىڭ ورىنباسارىنا شانحاي ىنتىماقتاستىق ۇيىمىنا مۇشە مەملەكەتتەر باسشىلارىنىڭ كەڭەسىنە جانە «ەكسپو-2017» حالىقارالىق كورمەسىنىڭ اشىلۋىنا قاتىسۋعا كەلگەنى ءۇشىن العىس ايتتى.
نۇرسۇلتان نازارباەۆ يراندا وتكەن سايلاۋدا قازىرگى پرەزيدەنت ح.ءرۋحانيدىڭ جەڭىسكە جەتكەنى تۋرالى حاباردى ريزاشىلىقپەن قابىلداعانىن اتاپ ءوتتى.
– مەنى يسلام الەمىندە ورىن الىپ وتىرعان قاراما-قايشىلىقتار قاتتى الاڭداتادى. ءوزارا تۇسىنىستىك پەن سەنىم تەزىرەك ورنايدى دەپ ۇمىتتەنەمىن, – دەدى نۇرسۇلتان نازارباەۆ.
سىرتقى ىستەر ءمينيسترىنىڭ ورىنباسارى قازاقستان پرەزيدەنتىنە قوناقجايلىق كورسەتكەنى ءۇشىن ريزاشىلىعىن ءبىلدىردى.
– ەلدەرىمىز اراسىنداعى قارىم-قاتىناستار جوعارى دەڭگەيدە. ءسىزدىڭ جانە يران پرەزيدەنتىنىڭ ءوزارا ساپارلارىڭىزدىڭ ارقاسىندا ولار قارقىندى دامۋدا, – دەدى ي.راحيمپۋر.
سونداي-اق, ي.راحيمپۋر قازاقستاننىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋىمەن قۇتتىقتادى.