بىرىككەن اراب امىرلىگى وڭتۇستىك قازاقستان وبلىسىمەن ساۋدا-ەكونوميكالىق ىنتىماقتاستىقتى ارتتىرعىسى كەلەدى. بۇل تۋرالى وڭتۇستىك قازاقستان وبلىسىنىڭ اكىمى جانسەيىت تۇيمەباەۆپەن كەزدەسۋدە بىرىككەن اراب امىرلىكتەرىندەگى قازاقستاننىڭ توتەنشە جانە وكىلەتتى ەلشىسى قايرات لاما شاريف ءمالىم ەتتى
امىرلىك كاسىپكەرلەرى شىمكەنتتەن قانت زاۋىتىن سالۋعا ۇسىنىس ءبىلدىرىپ وتىر. سونىمەن قاتار وڭتۇستىكتەن تۇراقتى تۇردە ءتىرى قوي ساتىپ الۋعا نيەتتى. قوس تاراپ كەزدەسۋدە «شىمكەنت – شاردجا - شىمكەنت» باعىتىندا اۋە رەيسىن اشۋ جايىن دا تالقىلاندى.
«بۇگىندە ەكى ەل اراسىنداعى ينۆەستيتسيالىق تارتىمدىلىق جوعارى دەڭگەيدە. وسىنى ەسكەرە وتىرىپ, بىرىككەن اراب امىرلىكتەرى وڭتۇستىك قازاقستان وبلىسىنان قانت زاۋىتىن سالۋ جونىندەگى ۇسىنىسى ءوز كۇشىندە ەكەنىن ايتا كەتكىم كەلەدى. سونداي-اق اراب ەلى وزگە دە سالالاردا قارىم-قاتىناستى نىعايتۋدى جوسپارلاپ وتىر», - دەدى ەلشى قايرات لاما شاريف.
باقتيار تايجان,
«ەگەمەن قازاقستان».
وڭتۇستىك قازاقستان وبلىسى