ەلوردادا سپورتتىڭ توعىزقۇمالاق ءتۇرى بويىنشا «جاس ءۇمىت» V رەسپۋبليكالىق جارىسى ءوتتى.
استانا قالاسى كومانداسىنىڭ اتىنان «تولاعاي» جوعارى سپورت شەبەرلىگى مەكتەبىنىڭ تاربيەلەنۋشىلەرى ونەر كورسەتتى. ەسەنبەك نۇرجان «راپيد» ويىن ءتۇرى بويىنشا ەكىنشى جانە بليتستەن ءۇشىنشى ورىندى يەلەندى. كوماندانىڭ باسقا ويىنشىلارى دا سايىستا ساتتىلىكتى سەرىك ەتىپ, ناتيجەلى كورسەتكىشتەرگە قول جەتكىزدى: گۇلنار بازاراليەۆا («راپيد» - 3 ورىن) جانە ەسىركەپ قۇندىز («راپيد» - 2 ورىن).
تۋرنيرگە 14 ءوڭىر مەن استانا جانە الماتى قالالارىنان 250-دەن استام سپورتشى قاتىستى. جالپى كوماندالىق جارىستا ەلوردالىق كوماندا بەسىنشى ورىننان كورىندى.