كاسىپقوي سپورتشىلار مەن اۋەسقويلار «نۇرلى تاۋ» بيزنەس ورتالىعىنان باستالىپ قر تۇڭعىش پرەزيدەنتى ساياباعىندا اياقتالعان 9 شاقىرىمدىق قاشىقتىقتى باعىندىردى. مارەگە كوش باستاپ كەلگەن قاتىسۋشىلاردىڭ اراسىندا باعالى سىيلىقتار مەن ەكسپو حالىقارالىق كورمەسىنە ارنالعان بيلەتتەر ويناتىلدى. ەڭ باعالى سىيلىقتاردىن ءبىرى ۆەلوسيپەدتى ۇتىپ العان الماتىلىق ولەگ بورۋباەۆ ءوز قۋانىشىمەن ءبولىستى.
– كوڭىل كۇيىم وتە تاماشا. ۆەلوسيپەد ۇتىپ الامىن دەپ ويلاعان جوق ەدىم. ەلىمىزدىڭ مەرەيلى مەرەكەسىندە, بۇل, وتباسىم ءۇشىن ەرەكشە سىيلىق بولدى. ۇيىمداستىرۋشىلارعا العىسىم شەكسىز, سەبەبى اپتا سايىنعى ۆەلوشەرۋلەردى جوعارى دەڭگەيدە وتكىزەدى. الماتى – سپورت پەن ىزگىلىكتىڭ قالاسى. الداعى ۋاقىتتا دا, ءار ۆەلوشەرۋدى جىبەرمەي قاتىسۋعا تىرىسامىن, - دەدى ولەگ.
ايتا كەتسەك, وسى ۆەلوشەرۋ «سپورتتىق الماتى» جوباسى اياسىندا 2017-ءشى جىلى جوسپارلانعان 21 ۆەلوشەرۋدىڭ التىنشىسى بولىپ وتىر.
ارمان وكتيابر,
«ەگەمەن قازاقستان»
الماتى