باسقوسۋدا بارلىق تالاپتارعا ساي كەلەتىن بالالارعا ارنالعان وقۋشىلار سارايى بوي كوتەرەتىنى بەلگىلى بولدى.
«وقۋشىلار مەكتەپ قابىرعاسىنان باستاپ ساپالى ءبىلىم, سانالى تاربيە الۋمەن بىرگە ءتۇرلى تانىمدىق-پايدالى, كاسىپتىك باعدار بەرۋ ىستەرىمەن, نانوتەحنولوگيا, بيوتەحنولوگيا, مەديتسينالىق تەحنولوگيا, روبوتەحنيكا, تاعى باسقا زاماناۋي وزىق ۇلگىلەرمەن شىنداپ اينالىسا الادى. ولاردىڭ ىنتا-جىگەرلەرىنە قولداۋ ءجاساۋ–بىزدىڭ مىندەتىمىز», دەدى قۇمار ىرگەباي ۇلى.
ايماق باسشىسى ەسكى ساياباق جاڭعىرتىلىپ, جاڭالاتىنىن دا جەتكىزدى. جاستاردى جوبالاۋ جۇمىستارىنا بەلسەندىلىكپەن قاتىسۋعا شاقىردى.
«مۇندا سپورتتىق جاتتىعۋ قۇرىلعىلارى, ويىن-ساۋىق ورىندارى, دەمالىس ايماعى قاراستىرىلاتىن بولادى», دەدى ق. اقساقالوۆ.
سونىمەن قاتار ءوز ءىسىن جاڭادان باستاعان جاس كاسىپكەرلەرگە جاعداي جاساۋ, كاسىپتىك-تەحنيكالىق ءبىلىم بەرۋ مەكەمەلەرىنىڭ ستۋدەنتتەرىنە قامقورلىقتى كۇشەيتۋ, وزىق باستامالارا قولداۋ كورسەتۋ, «ەرپىن» باعدارلاماسى بويىنشا وقىپ جاتقان تۇلەكتەردىڭ الەۋمەتتىك جاعدايىنا كوڭىل ءبولۋ ماسەلەلەرىنە دە توقتالدى.
ءومىر ەسقالي.
«ەگەمەن قازاقستان»
سولتۇستىك قازاقستان وبلىسى.