مەرەكەلەۋ شەڭبەرىندە اگەنتتىكتە مەملەكەتتىك رامىزدەردىڭ ەكسپوزيتسياسىن سالتاناتتى تۇردە اشۋ ءراسىمى وتكىزىلدى.
قازاقستاندا 1 شىلدەدەن باستاپ جاڭارتىلعان ستاندارتتارعا سايكەس كەلمەيتىن مەملەكەتتىك ەلتاڭبانى قولدانۋعا تىيىم سالىنادى. ەكسپوزيتسيانىڭ اشىلۋىندا جاڭا ۇلتتىق ستاندارتتارعا سايكەس قايتا جاڭارتىلعان مەملەكەتتىك ەلتاڭبانى ۇسىندى.
سالتاناتتى ءىس-شاراعا ەلتاڭبانىڭ اۆتورى جانداربەك مالىبەك ۇلى قاتىسىپ, ءىس-شاراعا قاتىسۋشىلاردى اتاقتى كۇنمەن قۇتتىقتاي وتىرىپ, مەملەكەتتىك رامىزدەر قازاقستاننىڭ تاريحي بايلىعىن, حالىقتىڭ ءۇمىتى مەن ۇمتىلىستارىن بەينەلەيتىنىن اتاپ ءوتتى.
جانداربەك مالىبەك ۇلى قازاقستان رەسپۋبليكاسىنىڭ مەملەكەتتىك رامىزدەرى كونكۋرسىنا قاتىسقانى تۋرالى ەسكە الا وتىرىپ, ءوزىنىڭ شىعارماشىلىعىنا قانداي وي سالعانىمەن ءبولىستى.
سالتاناتتى ءىس-شارادا اگەنتتىكتىڭ, سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ قىزمەتكەرلەرى جانە پرەزيدەنت جانىنداعى مەملەكەتتىك باسقارۋ اكادەمياسىنىڭ پروفەسسور-وقىتۋشى قۇرامى قازاقستان رەسپۋبليكاسىنىڭ مەملەكەتتىك رامىزدەرىنىڭ تاريحىن, ماڭىزى مەن ءمانىن قايتا ەسكە الۋ مۇمكىندىگىنە يە بولدى.
ءىس-شاراعا قاتىسۋشىلارعا قازاقستان رەسپۋبليكاسىنىڭ مەملەكەتتىك رامىزدەرى تۋرالى ارنايى بەينەفيلم كورسەتىلدى. سونىمەن قاتار, اگەنتتىك قازاقستان رەسپۋبليكاسىنىڭ مەملەكەتتىك رامىزدەرى كۇنىن مەرەكەلەۋگە قاتىستى سپورتتىق ءىس-شارالار ۇيىمداستىرىپ, جەڭىمپازدارىن سىيلىقتارمەن جانە گراموتالارمەن ماراپاتتادى.