كوميسسيانىڭ بۇگىنگى وتىرىسىندا قر مەملەكەتتىك رامىزدەرىنىڭ 25 جىلدىعىن مەرەكەلەۋگە ارنالعان ءىس-شارالار جوسپارىن ورىنداۋ بارىسى قارالدى.
ء"بىز مەملەكەتتىك رامىزدەر كۇنى قارساڭىندا رەسپۋبليكالىق كوميسسيانىڭ وتىرىسىنا جينالىپ وتىرمىز. وزدەرىڭىزگە بەلگىلى, بيىل مەملەكەتتىك رامىزدەردىڭ قابىلدانعانىنا شيرەك عاسىر تولىپ وتىر. وسىعان وراي, ءبىز ارنايى جوسپار قابىلداعان بولاتىنبىز. اتالعان جوسپارعا سايكەس, رەسپۋبليكا بويىنشا ءتيىستى جۇمىستار اتقارىلىپ جاتىر. ونى بۇقارالىق اقپارات قۇرالدارىنان كورىپ-ءبىلىپ وتىرسىزدار. مەملەكەتتىك رامىزدەر كۇنىن مەرەكەلەۋدىڭ باستى ماقساتى - قازاقستاندىق ءپاتريوتيزمدى ناسيxاتتاۋ, ازاماتتاردىڭ بويىندا ەلدىڭ الەۋمەتتىك-ەكونوميكالىق جەتىستىكتەرى ءۇشىن ماقتانىش سەزىمدەرىن قالىپتاستىرۋ, جاس ۇرپاقتى تاۋەلسىزدىك نىشاندارىنا كۇرمەتپەن قاراۋعا تاربيەلەۋ", - دەگەن مەملەكەتتىك حاتشى پرەزيدەنتتىڭ "بولاشاققا باعدار: رۋxاني جاڭعىرۋ" اتتى باعدارلامالىق ماقالاسىندا ايتىلعان ماقسات-مىندەتتەردىڭ بارشاعا ورتاق ەكەنىن جەتكىزدى.
اتالعان ماسەلە بويىنشا قر مادەنيەت جانە سپورت مينيسترلىگى ەسەپ بەردى. بۇدان بولەك, مەملەكەتتىك رامىزدەردى پايدالانۋ جانە ناسيxاتتاۋ جۇمىستارى بويىنشا ورتالىق جانە اتقارۋشى ورگانداردىڭ باياندامالارى تىڭدالدى.
وتىرىس بارىسىندا مەملەكەتتىك رامىزدەرگە قاتىستى زاڭنامانى بۇزۋ ارەكەتتەرىنە جول بەرمەۋ, وسى سالادا ىشكى باقىلاۋدى جۇرگىزۋ, قۇقىقتىق تاجىريبەنى جەتىلدىرۋ, سونداي-اق مەملەكەتتىك رامىزدەردى ناسيxاتتاۋ مەن قولدانۋ شارالارىن باقىلاۋدى كۇشەيتۋ جايى ءسوز بولدى.
شارا سوڭىندا مەملەكەتتىك رامىزدەرگە دەگەن قۇرمەتتى قالىپتاستىرۋ جانە xالىقتىڭ قۇقىقتىق ساۋاتتالىعىن ارتتىرۋ بويىنشا ناقتى تاپسىرمالار بەرىلدى.