7 ماۋسىمنان 12 قىركۇيەك ارالىعىندا ساعات 06:00-دەن 23:00-گە دەيىن سالماعى 3,5 توننادان استام بارلىق جۇك كولىكتەرىنىڭ قوزعالىسىنا شەكتەۋ قويىلادى. بۇل شەكتەۋ تەك ءوندىرىس ايماقتارىنا قاتىسى جوق, دەپ حابارلايدى استانا قالاسى اكىمدىگىنىڭ مەديا ورتالىعى.
بۇل شارا ەكسپو-2017 ءوتۋ بارىسىندا استانانىڭ كولىك جەلىسىن جەڭىلدەتۋگە مۇمكىندىك بەرەدى. كاسىپورىنداردىڭ كوممەرتسيالىق قىزمەتىن جۇزەگە اسىرۋ جانە قولايلى بولۋ ءۇشىن ساعات 23:00-دەن 06:00-گە دەيىن جۇك كولىكتەرىنە رۇقسات ەتىلەدى. ترانزيتتىك جۇك كولىكتەرىنە ارنالعان شەكتەۋ قويىلعان اۋماققا ەنبەيتىن اينالما جولدار بار.