بىراق, كەيىنگى جىلدارى ماقتاارال بۇرىنعى سانىنەن ايىرىلعان, ءوڭى تايعان جاسامىس قىزعا ۇقساپ ءجۇر. ماقتا باياعىداي كول-كوسىر پايدا بەرمەي قالدى. ماقتا جاقسى شىققان جىلدارى ليۆەرپۋل بيرجاسىنىڭ قاباعى كەلىسپەي قالادى. جىل سايىن سورىن شايىپ, ءبىر داقىلدى ەگە بەرگەننەن كەيىن جەر جارىقتىقتىڭ دا دىڭكەسى قۇرىپ بولدىرادى. جىل سايىن توگىلەتىن ۋلى سەليترا القىمىنان الىپ, ەركىن دەمالدىرمايدى. ماقتادان كوڭىلى قالعان كوپتەگەن ديقاندار باۋ-باقشا, كوكونىس ونىمدەرىنە وتە باستاعان. ايتەۋىر, قاراكەتسىز ەمەس. دەگەنمەن, اگروتەحنيكالىق تالاپتاردى جاقسى ساقتاساڭ اق ماقتا ءالى دە اۋزىڭنان اق ماي اعىزادى. ونى بەس جىلدان بەرى جاڭا تەحنولوگيامەن ءشيتتى ماقتا ەگىپ كەلە جاتقان شاردارا اۋدانى جاۋشىقۇم اۋىلىنداعى ء«يىرجار-اگرو» سەرىكتەستىگىنىڭ جۇمىسىنان بايقادىق. ء«يىرجار» سەرىكتەستىگىنىڭ اتقارۋشى ديرەكتورى ب.قامباروۆ جاڭا تەحنولوگيانىڭ ارقاسىندا وتكەن جىلى ءار گەكتاردان 51 تسەنتنەردەن ماقتا العاندارىن ايتادى. بۇل بۇگىنگى كەزەڭدەرمەن سالىستىرعاندا رەكوردتىق كورسەتكىش. جاڭا تەحنولوگيانىڭ پايداسى, ءبىر ءوزى بىرنەشە فۋنكتسيالاردى اتقارا الاتىن تەحنيكا ءشيتتى تۇقىمىن شاحمات جۇرىسىندەي ادىسپەن توپىراققا بىركەلى تاستاپ, تامشىلاتىپ سۋارۋ شلانگالارىن قوسا كومىپ, ۇستىنەن پلەنكا جاۋىپ وتەدى. سوندا جەر استىنداعى ءشيتتى ماقتا ءوسىپ-ءونۋى ءۇشىن سۋىق قورقىنىشتى ەمەس, كۇن جىلۋىن ساقتايتىن قورعانىشى بار. ال تامشىلاتىپ سۋارۋدىڭ پايداسى ماقتاعا كەرەكتى تىڭايتقىشتاردى مولشەرىمەن بەرەدى. وسىنداي ءادىستىڭ ارقاسىندا قوزا كوسەگى تۇگەلدەي اشىلىپ, پايدانى ەسەلەپ بەرەدى. بىلتىر «يىرجارلىقتار» 240 گەكتار جەرگە ءشيتتى ماقتا ەكسە, بيىل 300 گەكتارعا جەتكىزدى. ب.قامباروۆ القاپقا جوعارى سۇرىپتى «2747» ماقتا داقىلى مەن تاڭداۋلى قىتاي سۇرپىن ەگىلگەندىگىن ايتادى. ءار گەكتارعا 270-280 تەڭگە ارالىعىندا شىعىن جۇمسالعانىمەن كۇزدە پايدانى الدەنەشە ەسەلەپ الاتىندىقتارىنا سەنىمدى. بيىل شاردارا اۋدانىندا 59 مىڭ 300 گەكتار جەر كوكتەمگى دالا جۇمىستارىنا دايىندالسا, سونىڭ 14 مىڭىنا ءشيتتى ماقتا ەگىلمەك. ارينە, جاڭا تەحنولوگيا جەتىستىكتەرىنىڭ جەمىسىن جەۋ ءاربىر ديقانعا ارمان. جالعىزدىڭ قولى قىسقا. سوندىقتان, كووپەراتسيا جۇيەسىنە كوڭىل ءبولىنىپ جاتىر.
باقتيار تايجان, «ەگەمەن قازاقستان»
وڭتۇستىك قازاقستان وبلىسى