وپەرانىڭ ديريجەرلىك تىزگىنى ماەسترو الان بورىباەۆتىڭ قولىندا بولسا, قويۋشى رەجيسسەرى – بەلگىلى يتاليالىق ونەر تارلانى دجانكارلو دەل موناكو. سپەكتاكلدىڭ ستسەنوگرافى – ەتسيو فريدجەريو. كوستيۋمەر سۋرەتشىسى – «وسكار» سىيلىعىنىڭ يەگەرى فرانكا سكۋارچاپينو. قويۋشى حورەوگرافتار – قازاقستاننىڭ ەڭبەك سىڭىرگەن قايراتكەرلەرى تۇرسىنبەك نۇرقاليەۆ پەن عاليا بورىباەۆا. ء«بىز بۇل شىعارمانى كەزدەيسوق تاڭداعان جوقپىز, – دەيدى «استانا وپەرا» تەاترىنىڭ ديرەكتورى عالىم احمەدياروۆ. – ويتكەنى, بۇل ءبىزدىڭ ۇلتتىق ونەرىمىزدىڭ بىرەگەي تۋىندىسى, سوندىقتان دا, سپەكتاكل كورەرمەن كوڭىلىنەن شىعادى دەگەن ءۇمىت زور». اتالمىش تەاتردىڭ باس ديريجەرى الان بورىباەۆتىڭ پىكىرىنشە, «اباي» وپەراسى ءار كەزەڭدەرگە لايىقتالىپ جازىلعان ۇلى مۋزىكالىق شىعارمالاردىڭ ءبىرى بولىپ تابىلادى ءارى ورىنداۋشىلاردىڭ بيىك تالعامىنا تاتيتىن ەرەكشە تۋىندى. وپەرانىڭ باستى رولدەرىن وتاندىق ارتىستەر – قازاقستاننىڭ ەڭبەك سىڭىرگەن قايراتكەرلەرى سۇندەت بايعوجين مەن دينا حامزينا جانە قازاقستاننىڭ ەڭبەك سىڭىرگەن ءارتىسى, وپەرا پريماسى مايرا مۇحامەدقىزى, حالىقارالىق بايقاۋلاردىڭ لاۋرەاتى مەيىر باينەش ورىنداسا, كەلەسى ءبىر رولگە ارمەنيالىق تانىمال ءارتىس بارسەگ تۋمانيان شاقىرىلىپ وتىر.
ازامات ماۋلەن ۇلى, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى