«اعا ۇرپاققا, اكەلەرىمىز بەن انالارىمىزعا, سوعىس جانە ەڭبەك ارداگەرلەرىنە تاعى دا العىسىمىزدى, جۇرەكتەن شىققان جىلى ءسوزىمىزدى جەتكىزۋدىڭ ءساتى ءتۇسىپ تۇر. 30 جىل ىشىندە ارداگەرلەر قوزعالىسى ۇلكەن جولدان ءوتتى, وبلىسىمىزداعى ەڭ ىقپالدى قوعامدىق كۇشتىڭ بىرىنە اينالدى. ءبىر ءىستى باستاردا ءبىز ىلعي دا اعا ۇرپاقتى تىڭدايمىز, ولاردىڭ باتاسىن الامىز» دەدى ارحيمەد بەگەجان ۇلى.
ارداگەرلەر وزدەرىن ءالى دە قاتاردامىز دەپ بىلەدى. ولار جاستاردى وتانشىلدىققا, پاتريوتتىق سەزىمگە تاربيەلەۋگە اتسالىسادى, قوعامدىق جۇمىستاردان دا قالعان جوق. ولاردىڭ بارلىعى دا ەلىمىزدىڭ ەكونوميكاسى مەن الەۋمەتتىك دامۋىنا اتسالىسقان جاندار. ارداگەرلەر باي تاجىريبەسىن كەيىنگىگە ايتۋعا, كەڭەس بەرۋگە جالىققان ەمەس. مۇنى وبلىستىق ارداگەرلەر كەڭەسىنىڭ توراعاسى كەنجەبەك ۋكين دە اتاپ ءوتتى.
ء«ار ۇرپاقتىڭ تاريحي پارىزى بار. ارداگەرلەر كەڭەسى ۇلى وتان سوعىسى تاريحىنا, مايداندا قازا تاپقان جەرلەستەرىمىزدىڭ ەسىمىن ماڭگى ەستە قالدىرۋ ءۇشىن جۇمىس جاساپ كەلەدى. سوعىستا, جىلدارى قازا تاپقانداردىڭ 280 ەسىمى انىقتالىپ, ولار ەسكە الۋ تاقتالارىنداعى ءتىزىمدى تولىقتىردى. وبلىس وڭىرىندە 31 اسكەري-پاتريوتتىق كلۋب بار. وبلىستىق ارداگەرلەر كەڭەسى سونىڭ بارلىعىمەن تىعىز بايلانىستا جۇمىس ىستەيدى» دەدى كەنجەبەك ۇكى ۇلى.
سالتاناتتى جينالىستا ارداگەرلەر قوزعالىسىنا بەلسەنە قاتىسقاندارعا مەرەكەلىك مەدالدەر, «ارداگەرلەر ۇيىمى» رەسپۋبليكالدىق قوعامدىق ۇيىمىنىڭ ەسكەرتكىش بەلگىسى جانە وبلىس اكىمى مەن وبلىستىق ءماسليحات حاتشىسىنىڭ العىس حاتتارى, ديپلومدارى, ماقتاۋ قاعازدارى تابىس ەتىلدى.
ءنازيرا جارىمبەتوۆا,
«ەگەمەن قازاقستان»
قوستاناي
سۋرەت ng.kz سايتىنان الىندى