ەكى جۇزدەن استام جەرگىلىكتى پوليتسيا قىزمەتىنىڭ, اكىمشىلىك پوليتسيانىڭ, تىلدىق قامتاماسىز ەتۋ, بايلانىس جۇيەسىنىڭ جانە شتاب قىزمەتكەرلەرى ء–تۇرلى ماراپاتتارعا يە بولدى.
«قيىن-قىستاۋ كەزەڭنىڭ العاشقى كۇنىنەن ء بىزدىڭ قىزمەتكەرلەر قۇقىقتىق ءتارتىپتى قامتاماسىز ەتىپ, ء وز جۇمىستارىنا ادالدىقتارىن تانىتتى. ولاردىڭ ەرەن ەڭبەگىن ەرەكشە اتاپ وتكىم كەلەدى», دەدى ءوىىد-ءنىڭ باستىعى, پوليتسيا گەنەرال-مايورى بەرىك ءبىلىلوۆ.
جىلدام قيمىلدايتىن ارنايى جاساقتىڭ قىزمەتكەرلەرىنىڭ اعا ۋچاسكەلىك پوليتسيا ينسپەكتورى, پوليتسيا پودپولكوۆنيگى ۆاديم كالينين اسا كۇردەلى جاعداي قالىپتاسقان بىلعارى زاۋىتىندا كۇنى-ءتۇنى تۇرعىندارمەن بىرگە بولىپ, كوپتەگەن وتباسىلارعا كومەكتەسكەن. ول وزگە ارىپتەستەرى سەكىلدى «قازاقستان پوليتسياسىنا 25 جىل» مەدالىمەن ماراپاتتالدى.
«بوگەت ماڭىندا كەزەكشىلىكتە جۇرگەن ۋاقىتتا ۇزىندىعى 60 مەتر بولاتىن قامىس ارالاس مۇز اعىپ كەلىپ, بوگەتتى بۇزعا باستادى. تۇرعىن ۇيلەردى سۋ باسىپ قالماس ءۇشىن تەز ارادا شۇعىل شارالار قابىلداۋعا تۋرا كەلدى. ناتيجەسىندە سۋ كەتە باستاعان جەرلەردى بىتەپ ۇلگەردىك», - دەيدى ول وتكەن كۇندەردى ەسكە ءتۇسىرىپ.
سۋ تاسقىنىنا قارسى كۇرەسكە پوليتسيا ارداگەرلەرى دە ءوز ۇلەستەرىن قوستى. ارداگەرلەر كەڭەسى قايىرىمدىلىق ماقساتىندا جارتى ميلليون تەڭگە قارجىلاي كومەك اۋداردى.
سۋ تاسقىنى كەزىندەگى باستى مىندەت قوعامدىق قاۋىپسىزدىكتى ساقتاپ, قۇقىقتىق ءتارتىپتى قامتاماسىز ەتۋ جانە سۋ باسقان جەرلەردە توناۋ فاكتىلەرىن بولدىرماۋ بولدى. سونداي-اق, تۇرعىندار مەن ولاردىڭ مال-مۇلكىن ەۆاكۋاتسيالاۋ جۇمىستارى دا قارقىندى جۇرگىزىلدى.
وڭىردە 380 ءۇي مەن 500 ساياجايدى سۋ شايىپ كەتكەن بولاتىن.
ءومىر ەسقالي,
«ەگەمەن قازاقستان».