ء«بىز, نازارباەۆ ۋنيۆەرسيتەتىنىڭ تۇلەكتەرى, وسى ۋاقىتقا دەيىن قول جەتكىزگەن ابىرويدى بيىك ۇستاۋعا تىرىسامىز. بولاشاقتا نازارباەۆ ۋنيۆەرسيتەتى الەم مويىنداعان ۋنيۆەرسيتەتكە اينالىپ, ءسىزدىڭ اسقاق ارمانىڭىز ورىندالادى دەپ كامىل سەنەمىز», دەدى تۇلەكتەر ءوز سوزىندە.
پرەزيدەنت تۇڭعىش دوكتورانتتاردىڭ ءبىرى قازاقستاننىڭ قيىر شىعىسى كاتونقاراعايدان, ەندى ءبىرى سولتۇستىك وڭىردەن, سول سياقتى ەلىمىزدىڭ بارلىق وبلىستارىنان جينالعانىن جەتكىزىپ: «تالانتتى بولسا, ءبارىنىڭ مۇمكىنشىلىگى بار» دەدى. وسىلايشا, نازارباەۆ ۋنيۆەرسيتەتىنىڭ ءبىلىم بايگەسىندە بارلىق جاستارعا قۇشاعى اشىق ەكەنىن ەسكە سالىپ, ەڭبەك مايدانىنا قانات قاققان تۇلەكتەرگە اق جول تىلەدى.
ۋنيۆەرسيتەت باسشىسى شيگەو كاتسۋ وسىناۋ قۋانىشتى ءساتتى بولىسۋگە كەلگەن ەلباسىعا العىس ايتتى.
دۋمان اناش, «ەگەمەن قازاقستان»