26-28 مامىر كۇندەرى تارباعاتاي اۋدانىندا ىرعىزباي دوسحانا ۇلىنىڭ اتىنداعى قازاق كۇرەسىنەن ءىىى الەم كۋبوگى وتەدى. اقسۋات اۋىلىندا وتەتىن ءدۇبىرلى دوداعا الەمنىڭ 25 مەملەكەتىنەن كەلگەن بالۋاندار باق سىناسپاق.
شارانىڭ ۇيىمداستىرۋشىلارىنىڭ ايتۋىنشا, شارانىڭ جالپى جۇلدە قورى 100 مىڭ اقش دوللارى.
– بۇنداي شارالار اۋىلدى ايماقتاردا جاقسى وتەدى. ونىڭ ۇستىنە جىلدان-جىلعا قاتىسۋشى مەملەكەتتەردىڭ دە سانى, كورەرمەندەردىڭ قاراسى دا ارتىپ كەلەدى. شارانىڭ وتۋىنە قولداۋ بەرگەن ءىرى كاسىپورىندار مەن كۇرەس تۇرلەرى حالىقارالىق اسسوتساتسياسىنىڭ پرەزيدەنتى گينتاۋس ۆيلەيتاعا العىس بىلدىرەمىن, – دەدى بۇكىلالەمدىك قازاق كۇرەسى فەدەراتسياسىنىڭ ۆيتسە-پرەزيدەنتى سەرىك تۇكيەۆ.