ول بۇعان دەيىن دە ءبىر كەزدە «اقتوبەنىڭ» تىزگىنىن ۇستاپ, مۇندا ءوزىنىڭ ايشىقتى ءىزى مەن قارىمدى قولتاڭباسىن قالدىرا بىلگەن. سوندىقتان دا اقتوبەلىك فۋتبول جاناشىرلارى بىلىكتى رەسەيلىك فۋتبول مامانىنىڭ قايتا ورالعانىن جىلى ىقىلاسپەن قابىلدادى. «اقتوبەنىڭ» جاڭا باس جاتتىقتىرۋشىسى ۆلاديمير مۋحانوۆ «ەگەمەن قازاقستان» تىلشىسىنە الداعى جوسپارلارىن ايتىپ بەردى. «تاياۋداعى باستى مىندەتىم, ءارى باستى پارىزىم قازاقستان چەمپيوناتىندا «اقتوبەنىڭ» الدىڭعى پوزيتسيالاردىڭ بىرىنە يەك ارتۋىنا كۇش-قايراتىم مەن بۇعان دەيىنگى ءىس-تاجىريبەمدى جۇمساۋ. وسى ارقىلى «اقتوبەدەن» كوڭىلى قالا باستاعان جانكۇيەرلەردىڭ سەنىمىن قايتادان ورنىقتىرۋ», – دەدى ول. دەگەنمەن, ءبىر بۇلعاپ قالعاندا ءبارى وزگەرىپ شىعا كەلەتىن سيقىرشىنىڭ تاياعى جوق ەكەنىن ايتا كەلىپ, ءبىرىنشى كەزەكتە كوماندانىڭ ورنىقتى ويىن ورنەگىن كورسەتۋىنە مۇددەلى بولىپ وتىرعانىن العا تارتتى. باس جاتتىقتىرۋشىنىڭ ويىنشا, ءدال قازىرگى كۇنى ماۋسىم قورىتىندىسى بويىنشا «اقتوبەنىڭ» الاتىن ناقتى ورنى ءبىرىنشى كەزەكتە تۇرعان جوق. ونىڭ بۇگىنگى ماقساتى – كوماندانىڭ تەك وزىنە عانا ءتان بەت-بەينەسى مەن بۇعان دەيىنگى ەل-جۇرت بىلە قالعان قولتاڭباسىن ورنىقتىرۋ ەكەن. ەندەشە, ىسكە ءسات دەمەكپىز! تەمىر قۇسايىن, «ەگەمەن قازاقستان». اقتوبە
بۇگىنگى كۇنى ەلىمىزدەگى فۋتبول كوماندالارىنىڭ اراسىندا ەڭ سوڭىندا جۇرگەن «اقتوبە» فۋتبول كلۋبىنا جاڭا باس جاتتىقتىرۋشى تاعايىندالدى. ول – ۆلاديمير مۋحانوۆ.