كەن ونەركاسىبىندە كەمەلدەنۋ بايقالادى

ا.مامين مەملەكەت باس­شى­سىنىڭ تۇراقتى ەكونوميكالىق ءوسىم ءۇشىن كەن مەتاللۋرگيا كەشە­نىنىڭ دامۋىنا ايرىقشا كوڭىل بولەتىنىن ايتا وتىرىپ, فورۋمنىڭ كەن مەتاللۋرگيا كەشەنىندەگى ماڭىزدى ماسەلەلەردى تالقىلاۋ مەن شەشۋدە حالىقارالىق الاڭ رەتىندەگى ماڭىزىن اتاپ كورسەتتى.  قازاقستان الەمدە تەمىر كەنى بويىنشا جەتىنشى جانە بولات ءوندىرىسى كولەمى بويىنشا 33-ءشى ورىن الادى. ونەركاسىپ ءوندىرىسىنىڭ جالپى قۇرىلىمىندا كەن مەتاللۋرگيا كەشەنى 18 پايىزدان استامدى قۇرايدى.  سوڭعى جىلدار ىشىندە ال­عاش رەت بازالىق مەتالدارعا الەم­دىك باعانىڭ كوتەرىلۋىنە, رى­نوكتاردىڭ جاندانۋىنا جانە كوپتەگەن جەتەكشى ءوندىرۋشى كومپانيالار ءۇشىن شىعىنداردىڭ ازايۋىنا بايلانىستى الەمدىك كەن مەتاللۋرگيا ونەركاسىبىندە وڭ تەندەنتسيالار بايقالۋدا دەپ اتاپ ءوتتى ا.مامين.  2017 جىلدىڭ 4 ايىنىڭ قو­رى­تىندىسى بويىنشا قازاقستان ەكونوميكاسىنىڭ ءوسىمى 3,7 پايىز­دى قۇرادى. ونەركاسىپ ءوندىرىسى كولەمى – 107,1 پايىز, ونىڭ ىشىندە كەن وندىرىسىندە 107,8 پايىز وڭدەۋ سالاسىندا 106,8 پايىزدى قۇرادى, دەدى پرەمەر-ءمينيستردىڭ ءبىرىنشى ورىنباسارى.  بىزگە سالاداعى ءوسىمنىڭ وڭ دي­­­نا­­­مي­كاسىن ساقتاپ, ءوزىمىز­دىڭ باسەكەلەستىك ارتىقشىلىق­­تارى­­مىزدى ءتيىمدى پايدالانۋىمىز قاجەت, دەپ اتاپ كورسەتتى ا.مامين.  ونىڭ ايتۋىنشا ءتورتىنشى ونەركاسىپتىك رەۆوليۋتسيا كەن مەتاللۋرگيا ونەركاسىبىنىڭ باستى تەحنولوگيالىق ترەندى بولىپ تابىلادى. قازىردىڭ وزىندە ارزان تەحنولوگيالاردى قولدانۋ ارقىلى ءوندىرىستىڭ وزىندىك قۇنىن تومەندەتۋگە جانە شىعارىلاتىن ءونىم كولەمىن ايتارلىقتاي ۇل­عاي­تۋعا جاعداي تۋعىزاتىن ين­دۋستريا 4.0 -ءدىڭ  ەلەمەنتتەرىن قولدانۋدىڭ وڭ ۇلگىلەرى بار.  قازاقستاننىڭ ءىرى تەمىر كەنى شيكىزاتى مەن بولات ونىمدەرىن وندىرۋشىلەردىڭ ءبىرى بولىپ تابىلاتىنىن ەسكەرە وتىرىپ, بولات جونىندەگى كوميتەتتى ەىدۇ-عا مۇشەلىككە وتكىزۋ بويىنشا جۇمىستار جۇرگىزىلۋدە. ەىدۇ-عا مۇشە بولۋ سۋبسيديالاۋ جانە مەتاللۋرگيا كاسىپورىندارىنا مەملەكەتتىك قولداۋ پروبلەمالارى بويىنشا شەشىم قابىلداۋعا قاتىسۋعا جانە دسۇ تالاپتارىن ەسكەرە وتىرىپ بولات رىنوگىندا ءادىل باسەكەلەستىكتى دامىتۋ بويىنشا كۇش-جىگەر جۇمساۋعا جاعداي تۋعىزادى.  تالقىلانىپ وتىرعان تاقى­رىپ­تىڭ كوكەيكەستىلىگىن اتاپ وتە وتىرىپ, ا.مامين فورۋمعا قاتى­سۋ­شىلارعا ونەركاسىپتىك جانە ەكو­لوگيالىق قاۋىپسىزدىك ماسەلە­لەرىن شەشۋ ءۇشىن كوزقاراستار قالىپتاستىرۋدا, كمك-دا ءونىم­نىڭ جاڭا تۇرلەرىن دامىتۋدا, ين­نوۆاتسيالىق تەحنولوگيالار ەنگىزۋدە ءتيىمدى جۇمىس تىلەدى.  ايتقانداي, 25-ءشى دۇنيە­جۇ­زىلىك كەن كونگرەسىن 2018 جىلعى 18-22 ماۋسىمدا استانادا وتكىزۋ جوسپارلانىپ وتىر.