ال بيىل قوسىمشا 10 گەكتار جەرگە 16 مىڭ ءتۇپ كوشەت وتىرعىزىپتى. شارۋاشىلىققا قاراستى 20 گەكتارعا جالپى سانى 32 مىڭ ءتۇپ «تايفي-روزوۆىي» اسحانالىق ءجۇزىمى ەگىلگەن. قازىرگى تاڭدا تۇركيالىق مامانداردىڭ كومەگىمەن بەتون تىرەۋىشتەر ورناتىپ, تامشىلاتىپ سۋارۋ جۇيەسىن قوندىرىپ جاتىر. ء«جۇزىم ەگۋ ءىسىن 2016 جىلدىڭ ءساۋىر ايىندا باستادىق. ەڭ الدىمەن تاستاق جەردىڭ العاشقى قىرتىسىن سىرىپ تاستاپ, قۇنارلى توپىراق توسەپ شىقتىق. مۇندا ەگىلگەن كوشەتتەردى سارىاعاش اۋدانىنان ارنايى الدىرتتىق. العاشقى 16 ءتۇپ كوشەتتىڭ 98 پايىزى تامىر الىپ, ءونىپ شىقتى. قازىرگى ءجۇزىمنىڭ جاعدايى وتە جاقسى. قىس بويى جەر استىنا كومىلگەندىكتەن بۇگىندە جەر بەتىنە قايتا شىعارىپ, تىرەۋىشتەر ورناتىپ جاتىرمىز», – دەيدى شارۋا قوجالىعى ديرەكتورىنىڭ ورىنباسارى نۇرعيسا دەربىسوۆ. جوبانىڭ جالپى ينۆەستيتسيالىق قۇنى – 50 ملن تەڭگە. بۇل قارجىنىڭ تەڭ جارتىسىن «دامۋ» باعدارلاماسى اياسىندا «ماكسيمۋم» ايماقتىق ينۆەستيتسيا ورتالىعى بولگەن. قوجالىق باسشىسى 10 گەكتار جەردى ساتىپ السا, 10 گەكتار جەر مەملەكەت تاراپىنان 49 جىلعا جالعا بەرىلگەن. «بىلتىرعى جىلى ءجۇزىم القابىنىڭ ءار گەكتارىنا مەملەكەت تاراپىنان 750 مىڭ تەڭگەدەن سۋبسيديا بەرىلدى. بۇل بىزگە ۇلكەن كومەك بولدى. جۇزىمباعىمىز بيىلعى جىلى العاشقى ءونىمىن بەرە باستايدى. الداعى جوسپارىمىزعا سايكەس, گەكتارىنا 35-40 توننادان ءونىم الۋ ويىمىزدا بار», – دەيدى ن.دەربىسوۆ. بۇگىندە جۇزىمباقتا 20-عا تارتا ادام ەڭبەك ەتىپ جاتىر. جالاقىلارى ورتاشا ەسەپپەن 60 مىڭ تەڭگەنى قۇرايدى. ال, ماۋسىمدىق جيىن-تەرىم مەزگىلىندە مۇندا 60-قا جۋىق ادام جۇمىسقا تارتىلاتىن بولادى. ايتا كەتەيىك, قوجالىق الداعى جىلدارى ءجۇزىمدى قايتا وڭدەۋ ءىسىن قولعا الىپ, جۇزىمباققا جاقىن ماڭنان كوكونىس ساقتاۋ قويماسىنىڭ قۇرىلىسىن باستاماق نيەتتە.
وڭتۇستىك قازاقستان وبلىسى تولەبي اۋدانى, تاسارىق اۋىلىندا ءجۇزىم ءوسىرۋ ءىسى قولعا الىندى. جەكە كاسىپكەر سابىرجان تاناباەۆ تاستاق جەردى ءتيىمدى پايدالانىپ, 2016 جىلى جاڭا تەحنولوگيامەن 10 گەكتارعا ءجۇزىم ەككەن, دەپ حابارلايدى وبلىس اكىمىنىڭ ءباسپاسوز قىزمەتى.