25 مامىردا اتموسفەرالىق اعىنداردىڭ وتۋىنە بايلانىستى قازاقستاننىڭ باسىم بولىگىندە قۇبىلمالى اۋا رايى ساقتالادى, كەي جەرلەردە نايزاعايلى جاڭبىر جاۋى ىقتيمال, تەك رەسپۋبليكانىڭ باتىس, سولتۇستىك-باتىس جانە ورتالىعىندا جاۋىن-شاشىنسىز اۋا رايى كۇتىلەدى.
رەسپۋبليكانىڭ كەي جەرلەرىندە جەلدىڭ كۇشەيۋى كۇتىلەدى, وڭتۇستىكتە شاڭدى داۋىل سوعادى, دەپ حابارلايدى قازگيدرومەت. سولتۇستىك قازاقستان وبلىسىندا جەل 15-20, كەي جەرلەرىندە ەكپىنى 23-28 م/س بولادى.
اقمولا, پاۆلودار, شىعىس قازاقستان, كۇندىز الماتى, جامبىل, وڭتۇستىك قازاقستان, ماڭعىستاۋ, وبىلىستارىنىڭ كەي جەرلەرىندە جەل 15-20 م/س كۇشەيەدى.
قىزىلوردا وبلىسىنىڭ كەي جەرلەرىندە كۇندىز جەل 15-20 م/س شاڭدى داۋىلمەن كۇشەيەدى.
اقمولا, اقتوبە, قوستاناي, سولتۇستىك قازاقستان, پاۆلودار, قاراعاندى وبلىستارىنىڭ تۇندە كەي جەرلەرىندە 3 گرادۋس ۇسىك كۇتىلەدى.
قاراعاندى, شىعىس قازاقستان وبلىستارىنىڭ كەي جەرلەرىندە وتە جوعارى ءورت قاۋىپى ساقتالادى.