جىر مەرەكەسىنە ونەر جۇلدىزدارى التىنبەك قورازباەۆ, ماقپال ءجۇنىسوۆا, قانات, ايتكۇل قۇدايبەرگەنوۆتەر قاتىسىپ, اقىن سوزىنە جازىلعان اندەردى ورىندادى. مەملەكەتتىك سىيلىقتىڭ لاۋرەاتى ءسابيت دوسانوۆ, حالىقارالىق «الاش» سىيلىعىنىڭ لاۋرەاتتارى اقۇشتاپ باقتىگەرەەۆا, قاسىمحان بەگمانوۆ, وبلىس اكىمى نۇرلان نوعاەۆ 70 جاستىڭ بيىگىنە شىققان مەرەيتوي يەسىنە لەبىزدەرىن ارناپ, سىي-قۇرمەت كورسەتتى. وسى كۇنى سونداي-اق, سەرىك تۇرعىنبەك ۇلىنىڭ «مۇقاعالي» دراماسى اتىراۋ وبلىستىق ماحامبەت اتىنداعى قازاق دراما تەاترىندا قويىلدى. «وسى قويىلىم قاي ساحنادا بولسىن ارقايسىسى ءبىر-بىرىنە ۇقسامايتىن ايرىقشا سيپاتقا يە بولادى», دەپ اتاپ ءوتتى سەرىك تۇرعىنبەك ۇلى. مۇقاعالي اقىننىڭ شىعارماشىلىعى مەن ءومىر جولىنان سىر شەرتەتىن درامانىڭ رەجيسسەرى – جانات تەلتاەۆ, سۋرەتشىسى – تەمىربەك مۇحتاروۆ. جايىق جاعاسىنداعى جۇرتتىڭ ونەر مەن ولەڭگە دەگەن قۇرمەتىن ايرىقشا باعالاعان جازۋشى ءسابيت دوسانوۆ: «اقىندارى اكىمدەرىن ىزدەسە, ونداي ەلدىڭ ماڭداي سورى بەس ەلى, اكىمدەرى اقىندارىن ىزدەسە, باقىت نۇرىن كەشەدى. اتىراۋدىڭ قازاقتىڭ ۇلان-بايتاق ولكەسىندە الاتىن ورنى ەرەكشە», دەپ ريزاشىلىعىن ءبىلدىردى.
باقىتگۇل باباش,
«ەگەمەن قازاقستان»
اتىراۋ