ۆەنەسۋەلا پرەزيدەنتى نيكولاس مادۋرو مۇناي نارىعىن تۇراقتاندىرۋ باعىتىندا 10 جىلعا ارنالعان ستراتەگيا دايىنداۋ ءۇشىن وپەك ۇيىمىنا كىرمەيتىن ەلدەردىڭ مەملەكەت جانە ۇكىمەت باسشىلارىنىڭ ءسامميتىن ۇيىمداستىرۋدى ۇسىنىپ وتىر, دەپ حابارلايدى naryk.kz.
مادۋرو سونىمەن قاتار ءوزىنىڭ رەسەي پرەزيدەنتى پۋتينمەن بولعان اڭگىمەسى تۋرالى دا ايتىپ بەردى. ونىڭ سوزىنشە, اڭگىمە باراسىندا مۇناي نارىعىن تۇراقتاندىرۋ مەن الەمدىك مۇناي ءوندىرۋ كولەمىن قىسارتۋمەن بايلانىستى قاراشا ايىنداعى كەلىسىمگە قاتىستى ماسەلەلەر ءسوز بولعان.
وپەك ءماجىلىسى 30 قاراشا كۇنى قاڭتار ايىنان باستاپ, مۇناي ءوندىرۋ كولەمىن 1,2 ميلليون باررەلدەن 32,5 ميلليونعا دەيىن قىسقارتۋ جونىندەگى شەشىممەن اياقتالعان بولاتىن. كەلىسىم تالاپتارى بويىنشا, كارتەلگە كىرمەيتىن ەلدەر مۇناي ءوندىرۋ كولەمىن تاۋلىگىنە 600 مىڭ باررەلگە قىسقارتۋى كەرەك. بۇل كولەمنىڭ جارتىسىن رەسەي قامتاماسىز ەتەتىن بولدى.
وپەك مۇناي نارىعىنداعى جاعدايدى تۇراقتاندىرۋ ءۇشىن ۆەناعا 10 جەلتوقسان كۇنى ۇيىمعا مۇشە ەمەس 14 مەملەكەتتىڭ وكىلدەرىن شاقىردى.