قر پرەمەر-ءمينيسترى ب.ساعىنتاەۆتىڭ توراعالىعىمەن وتكەن ۇكىمەتتىڭ كەزەكتى وتىرىسىندا دەنساۋلىق ساقتاۋ جانە الەۋمەتتىك دامۋ ءمينيسترى جۇمىسپەن ناتيجەلى قامتۋ جانە جاپپاي كاسىپكەرلىكتى دامىتۋ باعدارلاماسىنىڭ جوباسىن تانىستىردى.
«جول كارتاسى 2020» جۇمىسپەن قامتۋ باعدارلاماسىنان ايىرماشىلىعى, جاڭا باعدارلامادا وقۋ ۋاقىتىنىڭ 40-60%-ى جۇمىس ورنىندا وتكىزىلەدى. سونىمەن قاتار, ەلدى مەكەندەر جەدەل وقىتۋشى توپتارىمەن قامتىلىپ, 1-6 ايعا دەيىنگى ارالىقتا ءمودۋلدى وقىتۋ كۋرستارى وتەدى.
«باعدارلامانىڭ باسىم باعىتىنىڭ اياسىندا ازاماتتاردىڭ ءوز بەتىنشە جۇمىسقا ورنالاسۋ جانە ءوز ءىسىن اشۋ مۇمكىندىكتەرىن كەڭەيتۋ ءۇشىن جاپپاي قاجەت ماماندىقتارعا وقىتۋ ۇيىمداستىرىلادى», – دەدى مينيستر.
قازاقستاندىقتار كوللەدجدەردىڭ بازاسىندا تەگىن كاسىبي ءبىلىم الا الادى. ءبىرىنشى كەزەكتە, بۇل شارالار جاستاردى قامتۋعا ءتيىس. سونداي-اق ەل ازاماتتارى تەگىن قىسقا مەرزىمدى دۋالدى ءبىلىم بەرۋ كۋرستارىنان ءوتىپ, قوسىمشا ماماندىق يەلەنە الادى. ولاردى وقىتۋ كوللەدجدەردىڭ بازاسىندا, «اتامەكەن» ۇكپ وقىتۋ ورتالىقتارىندا, جۇمىس بەرۋشىلەردىڭ وقىتۋ ورتالىقتارىندا جۇرگىزىلەدى.
كونتينگەنتتى جيناۋ جانە وقىتۋ ايماقتاردىڭ ەكونوميكالىق قاجەتتىلىكتەرى مەن جۇمىس بەرۋشىلەردىڭ سۇرانىسىنا وراي جۇرگىزىلەدى.
ارنۇر اسقار,
«ەگەمەن قازاقستان»