سانيتارلىق قاداعالاۋعا ەرەكشە نازار اۋدارىلدى

تاياۋدا استراحان قالاسىندا (رەسەي فەدەراتسياسى) سانيتاريا­لىق-ەپيدەميولوگيالىق سيپاتتاعى توتەنشە جاعداي­لار­عا دەن قويۋ ماسەلەلەرى بويىنشا قازاقستان مەن رەسەيدىڭ سا­نيتاريالىق-ەپيدەميولوگيالىق قىزمەتتەرىنىڭ دوڭگەلەك ۇستەل ءما­جىلىسى بولىپ ءوتتى, دەپ حابارلادى قازاقستان رەسپۋبليكاسى دەنساۋلىق ساقتاۋ مي­نيسترلىگىنىڭ ءباسپاسوز قىزمەتى. جيىندا قر دسم مەملەكەتتىك سانيتاريالىق-ەپيدەميولوگيالىق قاداعالاۋ كوميتەتىنىڭ توراعاسى, قر باس مەملەكەتتىك سانيتارلىق ءدا­رى­گەرى ج.بەكشين مەن رف تۇتىنۋ­شى­لاردىڭ قۇ­­قىق­تا­رىن جانە ادام­نىڭ سالامات­تى­لى­عىن قورعاۋ سالا­سىن قاداعالاۋ ءجو­نىندەگى فەدە­رال­دىق قىزمەتىنىڭ باس­شىسى, رف باس مەملەكەتتىك سا­نيتارلىق دارىگەرى گ.ونيششەنكو ءسوز سويلەدى. دوڭگەلەك ۇستەل جۇمىسىنا قازاقستان مەن رەسەيدىڭ شەكارالاس وڭىرلەرىنىڭ مەملەكەتتىك ساني­تا­ريا­لىق-ەپي­دە­ميولوگيالىق قادا­عا­لاۋ ورگاندارى, وباعا قارسى كۇرەس قىزمەتتەرى جانە عىلىمي ورتالىق­تارىنىڭ جەتەكشىلەرى قاتىستى. تاراپتار ينفەكتسيالىق اۋرۋ­لار­دىڭ پايدا بولۋىنىڭ, اكەلىنۋىنىڭ جانە تارالۋىنىڭ الدىن الۋ بوي­ىنشا شەكاراارالىق ىنتىماق­تاس­تىق ماسەلەلەرىن تالقىلادى. تال­قىلاۋ بارىسىندا سانيتاريالىق-ەپيدەميولوگيالىق سالاماتتىلىق, اسىرەسە, شەكاراارالىق سيپاتتاعى قاۋىپتىڭ الدىن الۋ مەن تاراتپاۋ بويىنشا بىرلەسكەن شارالار ۇسى­نىلدى. تاراپتاردىڭ ۇسىنىستارى حا­لىقتىڭ سانيتاريالىق-ەپيدە­مي­و­­لوگيالىق سالاماتتىلىعىن قامتا­ما­سىز ەتۋ بويىنشا ودان ءارى بىرلەسكەن ءىس-قيمىلدار جوسپارىن ءازىر­لەۋ ءۇشىن نەگىز بولادى. قازاقستان مەن رەسەيدىڭ ساني­تاريالىق-ەپيدەميولوگيالىق قىز­مەتتەرىنىڭ باسشىلارى قازاقستان-رەسەي ىنتىماقتاستىعىنىڭ تيىمدىلىگىن, ۇتىمدىلىعىن, تۇراقتى­لى­عىن جانە ناتيجەلىلىگىن اتاپ كور­سەتتى. قورىتىندىسىندا تاراپتار قازاقستاننىڭ مەملەكەتتىك ساني­تار­يالىق-ەپيدەميولوگيالىق قادا­عالاۋ كوميتەتى مەن رەسەي تۇتى­نۋ­شىلارىن قاداعالاۋ قىزمەتى ارا­سىندا ينفەكتسيالىق اۋرۋلارعا قارسى كۇرەس سالاسىنداعى ىنتى­ماق­تاستىق تۋرالى مەموراندۋمعا قول قويدى. «ەگەمەن-اقپارات».