بارشا قازاقستاندىقتاردى قازاقستان رەسپۋبليكاسى تاۋەلسىزدىگىنىڭ 25 جىلدىعى دەكلاراتسياسىنىڭ قابىلدانۋىمەن قۇتتىقتايمىز.
تاۋەلسىزدىك جىلدارى ەلباسىنىڭ باسشىلىعىمەن ەلدى باسەكەگە قابىلەتتى ەتىپ دامىتۋدىڭ باستى ستراتەگيالىق باعىتتارىنىڭ ءبىرى – ءبىلىم جانە عىلىم جۇيەسىن جەتىلدىرۋ بولدى.
وسىنىڭ ارقاسىندا بۇگىندە قازاقستان ادامي دامۋ دەڭگەيى جونىنەن اسا جوعارى ەلدەر توبىنا سەنىمدى ەندى.
پرەزيدەنتتىڭ «بولاشاق» باعدارلاماسى, «نازارباەۆ ۋنيۆەرسيتەت», زياتكەرلىك مەكتەپتەر, زەرتتەۋ ۋنيۆەرسيتەتتەرى – ەلىمىزدە ينتەللەكتۋالدى ۇلت قالاي قالىپتاسىپ جاتقانىنىڭ, وقىمىستىلىق پەن ءبىلىم بەرۋ سالاسى قاي دەڭگەيدە قولداۋ كورىپ وتىرعانىنىڭ جارقىن ايعاعى.
تاۋەلسىزدىكتىڭ ۇلى جولى – ەلباسى نۇرسۇلتان ءابىش ۇلى نازارباەۆتىڭ باسشىلىعىمەن بۇكىل حالىق ءجۇرىپ وتكەن جول.
بارشامىزدا ءبىر عانا ماقسات بار, ول – بولاشاق ۇرپاققا ەڭ قىمبات نارسە – ەگەمەن جانە تاۋەلسىز قازاقستاندى مۇرا ەتىپ قالدىرۋ!
قازاقستان رەسپۋبليكاسى ۇلتتىق عىلىم اكادەمياسى
قازاقستاننىڭ ادەبيەتشى قاۋىمىن بىرىكتىرەتىن «قازاقستان جازۋشىلار وداعى» رەسپۋبليكالىق قوعامدىق بىرلەستىگى قازاقستان رەسپۋبليكاسى پارلامەنتى پالاتالارىنىڭ بىرلەسكەن وتىرىسىندا قابىلدانعان تاۋەلسىزدىك دەكلاراتسياسىن زور ىقىلاسپەن قابىلدادى.
الەم كارتاسىندا جاڭادان پايدا بولعان جاس قازاقستان مەملەكەتى تاۋەلسىزدىك جىلدارىندا ادام نانعىسىز تاريحي جەتىستىكتەرگە قول جەتكىزىپ, كۇللى الەم مويىنداعان تانىمال مەملەكەتكە اينالدى. مۇنىڭ بارلىعى – حالقىمىزدىڭ اۋىزبىرشىلىگى مەن ىنتىماعىنىڭ, سول حالىقتى العا باستاعان ەلباسىنىڭ كورەگەن دانا ساياساتىنىڭ ارقاسى.
تاريحي قۇجاتتا ەلىمىزدىڭ جارقىن جەتىستىكتەرى مەن ەلباسى نۇرسۇلتان ءابىش ۇلى نازارباەۆتىڭ مەملەكەت قۇرۋداعى ەرەن ەڭبەگى ەرەكشە اتاپ كورسەتىلگەن.
ءبىز, قالامگەرلەر قاۋىمى بارشا قازاقستان حالقىن تاۋەلسىزدىكتىڭ 25 جىلدىعىنا ارنالعان دەكلاراتسيانىڭ قابىلدانۋىمەن قۇتتىقتايمىز!
«قازاقستان جازۋشىلار وداعى» رەسپۋبليكالىق قوعامدىق بىرلەستىگى
قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان دەكلاراتسيا قابىلداندى. بۇل – ەلىمىز ءۇشىن ەرەكشە ورىن الاتىن ماڭىزدى قۇجات.
دەكلاراتسيانىڭ قابىلدانۋىن ەل ىشىندەگى قازاقستاندىقتار عانا ەمەس, الىس-جاقىن شەتەلدەردە تۇراتىن 5 ميلليوننان استام قازاق دياسپوراسىنىڭ وكىلدەرى دە قۋانىشپەن قارسى الدى. ويتكەنى, بۇل – ءبىزدىڭ تاريحىمىز جانە بولاشاق ۇرپاعىمىزعا قالدىراتىن مۇرامىز.
تاۋەلسىز قازاقستاندى قۇرۋ جانە قالىپتاستىرۋدا ەرەن ەڭبەك سىڭىرگەن تۇڭعىش پرەزيدەنت – ەلباسى نۇرسۇلتان ءابىش ۇلى نازارباەۆتىڭ كوشباسشىلىعىمەن ەلىمىز بۇگىندە الەم تانىعان مەملەكەتكە اينالدى. الەمنىڭ وزىق 30 ەلىنىڭ قاتارىنا قوسىلۋعا قارىشتى قادام باستى.
بارشاڭىزدى تاۋەلسىزدىگىمىزدىڭ 25 جىلدىق ىلگەرىلەۋ مەن ورنىقتى دامۋ جولىن ايقىن كورسەتكەن دەكلاراتسيانىڭ قابىلدانۋىمەن قۇتتىقتايمىز.
ءىسىمىز العا باسا بەرسىن, وتانداستار!
دۇنيەجۇزى قازاقتارىنىڭ قاۋىمداستىعى
«اتامەكەن» ۇلتتىق كاسىپكەرلەر پالاتاسى بارشا ازاماتتى ەل پارلامەنتى پالاتالارىنىڭ بىرلەسكەن وتىرىسىندا قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان دەكلاراتسيانىڭ قابىلدانۋىمەن قۇتتىقتايدى.
دەكلاراتسيانىڭ ماتىنىندە مەملەكەتتىلىكتىڭ نەگىزگى دامۋ ءداۋىرى, نارىقتىق ەكونوميكانىڭ قالىپتاسۋى, كاسىپكەرلىك ءۇشىن جاعدايلاردىڭ جاسالۋى كورىنىس تاپقان.
وسىنىڭ بارلىعى ەلباسىنىڭ ستراتەگيالىق كورەگەندىگىنىڭ, ونىڭ باتىل دا الىستى بولجايتىن سارابدال ساياساتىنىڭ ارقاسىندا مۇمكىن بولدى.
تاۋەلسىزدىكتىڭ 25 جىلى ىشىندە قازاقستان مەملەكەت باسشىسىنىڭ تاماشا كوشباسشىلىعىمەن ۇلكەن تابىستارعا قول جەتكىزىپ, بۇكىل الەمگە تانىلدى.
«اتامەكەن» ۇلتتىق كاسىپكەرلەر پالاتاسى
قازاقستان رەسپۋبليكاسى كاسىپوداقتار فەدەراتسياسى بارشا قازاقستاندىقتى ەلباسىمىزدىڭ كورەگەن باسشىلىعىمەن ەلىمىزدىڭ قول جەتكىزگەن تابىستارى كورىنىس تاپقان تاۋەلسىزدىكتىڭ جيىرما بەس جىلدىعى دەكلاراتسياسىنىڭ قابىلدانۋىمەن قۇتتىقتايدى.
كاسىپوداقتار فەدەراتسياسى ەلىمىزدىڭ 2 ميلليوننان استام مۇشەسىنىڭ مۇددەسىن قورعايتىن كاسىپوداقتار ۇيىمى بولىپ تابىلادى. كاسىپوداقتار فەدەراتسياسى ەلباسى – پرەزيدەنت ن.ءا.نازارباەۆتىڭ ەگەمەن قازاقستاننىڭ قالىپتاسۋى مەن دامۋىنا قوسقان ۇلەسىن اسا جوعارى باعالايدى.
كۇردەلى ەكونوميكالىق جاعدايلارعا قاراماستان, ەل پرەزيدەنتى اركەز جۇمىس ورىندارىن قۇرۋعا, ەڭبەكاقىنى, جاردەماقى مەن زەينەتاقىنى كوتەرۋگە ۇلكەن نازار اۋدارىپ كەلەدى.
بۇل – قازاقستان رەسپۋبليكاسى تاۋەلسىزدىگىنىڭ مەرەيتويلى جىلىنىڭ سوڭعى كەزەڭىندە قابىلدانعان ماڭىزدى تاريحي قۇجات!
«قازاقستان رەسپۋبليكاسى كاسىپوداقتار فەدەراتسياسى» رقب
قازاقستان ىسكەر ايەلدەرىنىڭ قاۋىمداستىعى بارشا قازاقستان حالقىن تاۋەلسىزدىكتىڭ 25 جىلدىعى دەكلاراتسياسىنىڭ قابىلدانۋىمەن قۇتتىقتايدى.
دەكلاراتسيادا قازاقستان دامۋى مەن ىلگەرىلەۋىنىڭ باستى كەزەڭدەرى كورىنىس تاۋىپ, مەملەكەت باسشىسىنىڭ عالامات ءرولى ايقىندالعان.
بۇل – تابىستارىمىز بەكىتىلىپ, دامۋدىڭ ءارى قارايعى باعىتتارى ايقىندالعان اسا ماڭىزدى قۇجات. ال الدا تۇرعان مىندەتتەردى جۇزەگە اسىرۋعا قازاقستاندىقتاردىڭ بولاشاق ۇرپاعىنىڭ بەلسەندى قاتىساتىنىنا سەنىم مول.
قازاقستاننىڭ تاريحي ولشەممەن العاندا اسا قىسقا مەرزىمدە قول جەتكىزگەن تابىستارىن ۇلكەن ماقتانىش سەزىمىمەن ەكشەي كەلە, ءبىز تاۋەلسىزدىكتىڭ 25 جىلدىعىنا ارنالعان مەرەيتويلى سالتاناتتار قارساڭىندا قابىلدانعان قۇجاتتىڭ داۋىرلىك ماڭىزىن اتاپ كورسەتەمىز.
قازاقستان ىسكەر ايەلدەرىنىڭ قاۋىمداستىعى
قازاقستان رەسپۋبليكاسى جوعارى وقۋ ورىندارىنىڭ قاۋىمداستىعى ەلىمىزدىڭ بارشا ازاماتىن قازاقستان رەسپۋبليكاسى تاۋەلسىزدىگىنىڭ 25 جىلدىعى دەكلاراتسياسىنىڭ قابىلدانۋىمەن قۇتتىقتايدى.
بۇل – تۇڭعىش پرەزيدەنت نۇرسۇلتان ءابىش ۇلى نازارباەۆتىڭ كورەگەن باسشىلىعى مەن ەلىمىزدىڭ باستى تابىستارىن اشىق كورسەتەتىن تاريحي قۇجات.
ەلباسىنىڭ الىستى بولجايتىن سارابدال ساياساتىنىڭ ارقاسىندا قازاقستان ينتەللەكتۋالدى ۇلتتىڭ دامۋى ءۇشىن دايەكتىلىكپەن جاعدايلار جاساي وتىرىپ, ادام كاپيتالىنىڭ دەڭگەيى جوعارى ەلدەر توبىنا قاراي سەنىمدى قادام باسىپ كەلەدى.
قازاقستان رەسپۋبليكاسى جوعارى وقۋ ورىندارىنىڭ قاۋىمداستىعى