قازاقستاندا ترانسفورماتسيا باعدارلاماسىندا 8 ۇلتتىق كومپانيا قامتىلعان. ولاردىڭ ءبىر جىلداعى جيىنتىق تازا تابىسى 19 پايىزعا ارتتى, دەپ حابارلادى finprom.kz.
2016 جىلدىڭ 1 جارتىجىلدىعىندا ۇلتتىق كومپانيالار 146 ميلليارد تەڭگە تازا پايدا تاپتى. تاۋارلار مەن قىزمەتتەردى شىعارۋدىڭ وزىندىك قۇنى قىمباتتاعانىنا قاراماستان ۇلتتىق كومپانيالار ينفلياتسيا قىسىمىن جويا ءبىلدى. بيىل ءوندىرىستىڭ تابىستىلىعى 18 پايىزدى (2015 جىلعى دەڭگەيدە) قۇرادى. ۇلتتىق كومپانيالاردىڭ جۇمىس تەتىگىن قايتا وزگەرتۋ ولارعا قىزمەتتى جانداندىرۋ ءۇشىن قوسىمشا سەرپىن بەرەدى. ساۋدا كولەمى ۇلعايادى.
كاسىپورىن قاراجاتتىڭ از بولىگىن دەپوزيتتە ۇستاپ, كوبىن وندىرىسكە سالادى. ءبىر جىلدا قارجىلاندىرۋدان تابىس اعىنى 17 پايىزعا تومەندەدى. ۇلتتىق كومپانيالاردىڭ جيىنتىق شىعىستارى ءبىر جىلدا 22 پايىزعا ارتتى, الايدا ءبىرىنشى كەزەكتە ءونىم شىعارۋعا بايلانىستى تىكەلەي شىعىندار ۇلعايدى. ەڭبەكاقى تولەۋگە اكىمشىلىك شىعىستار مەن شىعىندار نەبارى 0,2 پايىزعا, 157 ميليارد تەڭگەگە دەيىن ۇلعايدى. ناتيجەسىندە جالپى سومادا مۇنداي شىعىنداردىڭ ۇلەسى 19 پايىزعا تومەندەدى (وتكەن جىلى 23 پايىز).
ايتا كەتەيىك, 2014 جىلعى قىركۇيەكتە «سامۇرىق-قازىنا» اق ديرەكتورلار كەڭەسى تراسفورماتسيا باعدارلاماسىن ماقۇلدادى. ونىڭ ماقساتى – حولدينگ كومپانياسىنىڭ قۇنىن ۇلعايتۋ, پورتفەلدى باسقارۋ تيىمدىلىگىن ارتتىرۋ, ەىدۇ ستاندارتتارىنا سايكەس كەلەتىن كورپوراتيۆتىك باسقارۋدىڭ جاڭا قاعيداتتارىن ەنگىزۋ.