قازاقستاندىق ديپلوماتتار مەن ستۋدەنتتەر ۆولوكولامسك قالاسىندا ماسكەۋ تۇبىندەگى شايقاستىڭ 75-جىلدىعىن ەسكە الۋ شارالارىنا قاتىستى. ميتينگتى رەسەيدەگى قازاقستان ەلشىلىگىنىڭ كومەگىمەن ۆولوكولامسك اكىمشىلىگى ۇيىمداستىردى, دەپ حابارلايدى قر ءسىم ءباسپاسوز قىزمەتى.
رەسەيدەگى قر ەلشىلىگىنىڭ اسكەري اتتاشەسى ارنات بايجانوۆ سوعىسقا 1,3 ميلليون قازاقستاندىق ازاماتتاردىڭ قاتىسىپ, ولاردىڭ 600 مىڭى ەلگە ورالعانىن ايتتى.
"1941 جىلى نەليدوۆودا نەمىس اسكەرى مەن ءبىزدىڭ وتانداستارىمىز, گەنەرال پانفيلوۆ باستاعان 316 اتقىشتار ديۆيزياسى اراسىندا شايقاس بولدى. بۇل شايقاس تا, ءبىزدىڭ ەرلەرىمىز دە تاريحتا قالدى. بۇگىن ءبىز وسىندا جينالىپ, پانفيلوۆشىلاردى ەسكە الىپ, ولارعا ارناپ 28 شىرشا وتىرعىزدىق", - دەدى بايجانوۆ.
رەسەيلىك شەنەۋنىكتەر مەن وقۋشىلار, قازاقستاندىق ديپلوماتتار مەن ستۋدەنتتەر يۆان پانفيلوۆ پەن باۋىرجان مومىش ۇلىنىڭ ەسكەرتكىشتەرىنە, دۋبوسەكوۆودا ورنالاسقان "28 ەرلىگىنە" اتتى مەموريالدى انسامبلگە گۇل شوقتارىن قويدى. ىس-شارا سوڭىندا پانفيلوۆشىلاردىڭ ەرلىگىنە 75 جىل تولۋىنا وراي اعاشتار وتىرعىزىلدى.