مادەنيەت جانە سپورت ءمينيسترى ارىستانبەك مۇحامادي ۇلى حالىقارالىق "جىبەك جولى" ءرالليىنىڭ ۇيىمداستىرۋشىلارىمەن كەزدەسىپ, مارافوننىڭ 2017 جىلى قازاقستاننان وتەتىن كەزەڭدەرى تۋرالى تالقىلادى, دەپ حابارلايدى مينيسترلىكتىڭ ءباسپاسوز قىزمەتى.
"بۇل رەسەي, قازاقستان, قىتايدىڭ بىرىگىپ جاسايتىن العاشقى ۇلكەن اكتسياسى. بۇگىنگى تاڭدا مارافون وتكىزۋ سپورتىق جەتىستىك", دەدى مينيستر ارىستانبەك مۇحامادي ۇلى.
گونكا قازاقستان ارقىلى 2017 جىلدىڭ 7-23 شىلدەسى ارالىعىندا ماسكەۋ-استانا-پەكين مارشرۋتىمەن وتەدى. 2017 جىلى قازاقستاندا راللي قوستاناي, اقمولا, قاراعاندى, پاۆلودار, شىعىس قازاقستان وبلىستارى مەن استانانى كەسىپ وتەدى.
ء"بىز قازاقستانعا ۇنەمى قۋانا كەلەمىز. بۇل ەڭ قوناقجاي حالىق. ءبىز "جىبەك جولى" ءرالليىنىڭ ۇيىمداستىرۋشىلارى رەتىندە سەرىكتەستەرىمىزبەن بىلتىر بۇل شارانى جوعارى دەڭگەيدە وتكىزگەنبىز. سىزدەرگە جان-جاقتى قولداۋ بىلدىرگەندەرىڭىزگە راحمەت. بارلىق قاتىسۋشىلار دا ريزا", دەدى گونكانىڭ اكىمشىلىك ديرەكتورى ۆياچەسلاۆ گروحوتوۆ.
ەستەرىڭىزگە سالا كەتسەك, بىلتىر بۇل مارافونعا 40 مەملەكەت قاتىسقان. قازاقستانداعى مارشرۋت قوستاناي, اقمولا, قاراعاندى, جامبىل, الماتى وبلىستارىنان, الماتى, استانا قالالارىنان وتكەن. بۇل جولمەن 15 كەزەڭنىڭ 4-ەۋىن 452 اۆتوكولىكپەن 837 قاتىسۋشى ءجۇرىپ وتكەن ەدى.