ءماجىلىس توراعاسى نۇرلان نىعماتۋلين سانكت-پەتەربوردا ءاليحان بوكەيحان ۇلىنىڭ ەسكەرتكىش ءمۇسىنىنىڭ اشىلۋىنا قاتىسادى, دەپ حابارلادى پالاتا اپپاراتىنىڭ ءباسپاسوز قىزمەتى.
سالتاناتتى شارا تاۆريچەسكي سارايىندا تمد پاا شتاب-پاتەرىندە وتەدى. وسىندا 24-25 قاراشادا تمد پاا جانە ۇقشۇ پارلامەنتتىك اسسامبلەياسىنىڭ شارالارى وتەتىنى جوسپارلانعان.
پالاتا توراعاسى نۇرلان نىعماتۋلين باستاعان ماجىلىسمەندەر سونداي-اق, تمد پاا 45-ءشى پلەنارلىق وتىرىسىنا قاتىسادى. وندا الەۋمەتتىك ۇلگىدەگى زاڭدار توپتاماسى تالقىعا تۇسپەك. سونداي-اق, قاۋىپسىزدىك, سونىڭ ىشىندە, ەكسترەميزم مەن تەرروريزم ماسەلەلەرى دە نازاردان تىس قالمايدى.
ساپار اياسىندا نۇرلان نىعماتۋليننىڭ ۇقشۇ پا جيىنىندا ءسوز سويلەۋى جانە ازەربايجان, قىرعىزستان, رەسەيدەن كەلگەن ارىپتەستەرىمەن ەكىجاقتى كەزدەسۋلەر جوسپارلانعان.