25 قاراشادا ەلىمىزدىڭ سولتۇستىگىندە, شىعىسىندا جانە ورتالىعىندا اتموسفەرالىق اعىنداردىڭ وتۋىنە بايلانىستى قار جاۋىپ, بۇرقاسىن بولىپ, جەل كۇشەيەدى, قازاقستاننىڭ قالعان ايماقتارىندا جاۋىن-شاشىنسىز. كەي جەرلەرىندە تۇمان كۇتىلەدى, دەپ حابارلايدى قازگيدرومەت. اقمولا, سولتۇستىك قازاقستان وبلىستارىندا بۇرقاسىن, كەي جەرلەردە كۇشتى, جەل 15-20, ەكپىنى 13-28 م/س كۇشەيەدى, كۇندىز كەي جەرلەردە كوكتايعاق بولادى. پاۆلودار وبلىسىندا بۇرقاسىن, كەي جەرلەردە كۇشتى, جەل 15-20 م/س كۇشەيەدى. شىعىس قازاقستان وبلىسىنىڭ كەي جەرلەرىندە تۇمان ءتۇسىپ, بۇرقاسىن بولىپ, جەل 15-20, ەكپىنى 25 م/س كۇشەيەدى. قاراعاندى وبلىسىنىڭ كەي جەرلەرىندە بۇرقاسىن بولىپ, جەل 15-20, ەكپىنى 23 م/س كۇشەيەدى. قوستاناي وبلىسىندا كەي جەرلەردە بۇرقاسىن, كوكتايعاق بولىپ, جەل 15-20 م/س كۇشەيەدى. جامبىل وبلىسىندا كەي جەرلەردە تۇمان, كوكتايعاق كۇتىلەدى, الماتى, وڭتۇستىك قازاقستان, ماڭعىستاۋ, اتىراۋ وبلىستارىنىنىڭ كەي جەرلەرىندە تۇمان بولادى.