امەريكا مەن كانادانىڭ گەوفيزيكتەرى مارستان مۇز بولىپ قاتقان تەڭىز تاپتى, دەپ حابارلادى lenta.ru.
ۋتوپيا جازىعىندا 1-10 مەتر تەرەڭدىكتە ورنالاسقان تەڭىزدىڭ 50-80 پايىزى مۇز بولىپ قاتقان سۋدان تۇرادى. مۇز بولىپ قاتقان سۋ قويماسىنىڭ قالىڭدىعى 80-170 مەتر بولسا, كولەمى 14,3 مىڭ كم.
عالىمدار بۇل تەڭىزدى MRO (ناۋs Reconnaissance Orbiter) وربيتا ستانتسياسىنىڭ SHARAD (Shallow Radar) راديولوكاتورىنىڭ كومەگىمەن تاپقان.
MRO اپپاراتى مارسقا 2005 جىلى جىبەرىلىپ, قىزىل عالامشارعا 2006 جىلى جەتكەن بولاتىن. ال 2008 جىلى نەگىزگى تاپسىرما اياقتالعانمەن, اەروناۆتيكا جانە عارىش كەڭىستىگىن زەرتتەۋ جونىندەگى ۇلتتىق باسقارما ءىستى ارى قاراي جالعاستىرۋدى دۇرىس دەپ شەشتى. عالامشاردىڭ بەتكى قاباتىن سۋرەتكە تۇسىرگەننەن بولەك بۇل اپپارات ناۋs Rover ارقىلى جەرگە دابىل بەرۋگە سەپتىگىن تيگىزەدى.