الماتىدا ەلباسىنىڭ كىتابى تانىستىرىلدى

الماتىدا نۇرسۇلتان نازارباەۆتىڭ «قازاقستاندىق جول» اتتى برايل شريفتىمەن باسىلعان كىتابىنىڭ تانىستىرىلىمى ءوتتى, دەپ حابارلادى قازاقپارات. «مەملەكەت باسشىسىن قولداۋ ماساتىندا ەلباسىنىڭ كىتاپتارىن باسىپ جاتىرمىز. بۇگىن ءبىز قالىڭ كوپشىلىككە تانىستىرۋ ءۇشىن نۇرسۇلتان نازارباەۆتىڭ «قازاقستاندىق جول» اتتى كىتابىن الىپ كەلىپ وتىرمىز», – دەدى الەۋمەتتىك قورعاۋ سالاسىنداعى وبلىستىق ۇيلەستىرۋ كەڭەسىنىڭ وتىرىسىندا «زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحانا» رمك ديرەكتورىنىڭ ورىنباسارى ماقسۇت جۇمابەكوۆ. كىتاپتىڭ تۇپنۇسقاسى 356 بەتتەن تۇرادى. الايدا, ونى برايل شريفتىمەن باسقان كەزدە كىتاپتىڭ پاراقتارىنىڭ سانى كوبەيىپ, 1080 بەتتى قۇرادى. سونىمەن قاتار كىتاپ تسيفرلى فورماتتا جەتكىزىلدى. ول جالپاعىنان باسىلعان تۇپنۇسقادان اۋمايدى. وسىعان قاراي بۇل كىتاپ 356 بەتتەن تۇرادى. اۋديوكىتاپتىڭ ۇزاقتىعى 20 ساعاتتان اسادى. كىتاپ بارلىق الەمدىك ستاندارتتارعا ساي. برايل ءشريفتى زاعيپ جاندار مەن ناشار كورەتىن ازاماتتارعا ارنالعان.