قۇرلىقتىق حوككەي ليگاسىنىڭ تۇراقتى چەمپيوناتىندا استانانىڭ «بارىسى» ءوز ايدىنىندا قىتايدىڭ «كۋنلۋن رەد ستار» كومانداسىن قابىلداپ, 4:1 ەسەبىمەن جەڭىسكە جەتتى.
كەزدەسۋدىڭ بار-جوعى ەكىنشى مينۋتىندا ايدىن يەلەرى ەسەپ اشىپ ۇلگەردى. شابۋىل شەبىندە ونەر كورسەتەتىن نيكيتا يۆانوۆتىڭ سوققىسىنا قاقپاشى توسقاۋىل بولا المادى. ارادا ءۇش مينۋت وتەر-وتپەس, كانادالىق قورعاۋشى كەم باركەر ەسەپتى ەسەلەي ءتۇستى.
ەكىنشى كەزەڭدە «كۋنلۋن رەد ستار» كومانداسىنىڭ ساپىنان فرانتسۋز شابۋىلشىسى دامەن فلەري 30-مينۋتتا ەسەپتى قىسقارتا ءبىلدى.
ال سوڭعى 20 مينۋتتا «بارىس» ايتارلىقتاي باسىم بولدى. الدىمەن 45-مينۋتتا نايدجەل دوۋس قارسى قاقپاعا ءتورتىنشى شايبانى سوققان بولسا, ماتچتىڭ اياقتالۋىنا ەكى مينۋت قالعاندا, 58-مينۋتتا رومان ستارچەنكو كەزدەسۋدىڭ نۇكتەسىن قويدى.
ەنشىسىندە 45 ۇپايى بار «بارىس» شىعىس كونفەرەنتسياسىندا 7-ورىنعا كوتەرىلدى. كەلەسى ويىنىن 25 قاراشادا «ادميرال» كومانداسىنا قارسى وتكىزەدى.