تالعار اۋدانىندا جاڭا مەكتەپ سالىنىپ جاتىر

تالعار اۋدانىندا «نۇرلى جول» باعدارلاماسى اياسىندا جاڭا مەكتەپ سالىنىپ جاتىر. ءۇش اۋىسىمدا وقىتۋ ماسەلەسىن شەشەتىن ءبىلىم وشاعى كەلەسى وقۋ جىلىندا بەلبۇلاق اۋىلىندا بوي كوتەرەدى, دەپ حابارلايدى BNews.kz. قازىر اۋىلداعى قولدانىستاعى مەكتەپتە 566 بالا وقيدى. وقۋشىلار سانىنىڭ تۇراقتى ارتۋىنا بايلانىستى بالالار ازىرگە ءۇش اۋىسىممەن وقىتىلادى. وعان قوسا, 200-گە جۋىق بالا جاقىن جەردەگى اۋىلدارعا بارىپ-كەلىپ وقيدى. وسى ماسەلەنىڭ ءتۇيىنىن تارقاتۋ ماقساتىندا بيىلعى جىلدىڭ مامىر ايىندا 600 ورىنعا ارنالعان قوسىمشا عيماراتتىڭ قۇرىلىسى باستالعان بولاتىن. بۇل عيمارات كەلەسى جىلى پايدالانۋعا بەرىلەدى. «بۇگىنگى كۇنى بەلبۇلاق اۋىلىنداعى مەكتەپتىڭ قۇرىلىسى قارقىندى ءجۇرىپ جاتىر. الداعى ۋاقىتتا ءبىلىم مەكەمەسىمەن تەك جەرگىلىكتى بالالاردى عانا ەمەس, كورشى اۋىلدارداعى بالالاردى دا قامتۋدى جوسپارلاپ وتىرمىز. بۇل – ءۇش اۋىسىمدى وقىتۋ ماسەلەسىن شەشۋگە ىقپال ەتەدى», – دەيدى تالعار اۋدانىنىڭ اكىمى ر.سادىقوۆا