جوعارعى پالاتا العاشقى وتىرىسىن وتكىزدى

كەشە سەنات توراعاسى قايرات ءماميدىڭ جەتەكشىلىگىمەن پا­لا­تانىڭ بەسىنشى سەسسياداعى العاشقى وتىرىسى بولىپ ءوتتى. ءتور­اعا ەلباسىنىڭ سەسسيانى اشۋ كەزىندەگى سوزىندە دەپۋتاتتىق كور­پۋس جۇمىسىن جوعارى باعالاعانىن جانە زاڭ شىعارۋشى ور­گان ءوزىنىڭ الدىنداعى مىندەتتەرىن ايقىنداپ بەرگەنىن ەرەكشە اتادى. مەملەكەت باسشىسى پارلامەنت پالاتالارىنىڭ بىرلەسكەن وتىرىسىنداعى سوزىندە جەدەل قا­بىلدانۋعا ءتيىستى جيىرما زاڭدى  ءتورت بلوكقا ءبولىپ قامتىعان بولاتىن. سەنات توراعاسى قازىرگى كەزدە سەنات پەن ءماجىلىستىڭ قا­راۋ­ىندا جاتقان زاڭدار دا بار ەكەن­دىگىن جەتكىزدى. وسى رەتتە ق.ءمامي جاڭادان سايلانعان دەپۋتاتتار ءوز مىندەتتەرىن ساپالى ورىن­داۋلا­رى­نا جانە جاڭا قىزمەتتەرىندە تابىستى بولۋلارىنا تىلەكتەستىگىن دە بىلدىرە كەتتى. قازاقستان تاۋەلسىزدىگىنىڭ 20 جىلدىعى دەكلاراتسياسىن قابىل­داۋ جونىندەگى پارلامەنتتىڭ باس­تا­ماسىنا قاتىستى يدەيانى پرەزيدەنت نۇرسۇلتان نازارباەۆ  قول­داعانى بەلگىلى. مەملەكەت باسشىسى «دەكلاراتسيا قوعامدى توپتاستىرۋداعى جاڭا ماڭىزدى قۇجات بولادى», دەپ اتاپ وتكەن بولاتىن. وسى تۋرالى سپيكەر قۇ­جات­تىڭ ساياسي جانە تاريحي ما­ڭىزىن ەسكەرە وتىرىپ, ءبىز دەك­لا­راتسيانى پارلامەنت پالاتا­لا­رى­نىڭ بىرلەسكەن وتىرىسىندا قا­بىل­داۋدى ورىندى دەپ سانايمىز, دەدى. پارلامەنت رەگلامەنتىنە وزگە­رىستەر مەن تولىقتىرۋلار ەنگىزۋ جونىندەگى جۇمىستار جالعاسىپ جاتقانى, بۇل ماسەلە بويىنشا دا پارلامەنت پالاتالارىنىڭ بىرلەسكەن كوميسسياسى قۇرىلعانى بەلگىلى بولدى. وتىرىستىڭ كۇن ءتار­تى­بىنە سايكەس دەپۋتاتتار ءوز ءارىپ­تەستەرىن سەناتتىڭ تۇراقتى كو­ميتەتتەرىنىڭ قۇرامىنا ساي­لا­دى. سونداي-اق س.­ا.قۇل­ما­عام­بەتوۆ پەن ا.ۆ.گورياينوۆتى رەس­پۋب­ليكالىق بيۋدجەتتىڭ اتقا­رى­لۋىن باقىلاۋ جونىندەگى ەسەپ كو­ميتەتىنىڭ مۇشەلىگىنە تاعايىن­دادى. وتىرىس سوڭىنان سەنات ءتور­اعاسى بىرقاتار بۇقارالىق اقپا­رات قۇرالدارى وكىلدەرىنىڭ قويعان ساۋالدارىنا وراي, مەملەكەتتىك ءتىل ماسەلەسى تۋرالى ءوز پىكىرىن ءبىلدىردى.  قازاقستاندا قازاق ءتىلى­نىڭ مارتەبەسى تولىقتاي ساقتا­لا­دى. ءبىزدىڭ اتا زاڭىمىز بويىنشا قازاق ءتىلى مەملەكەتتىك ءتىل بولىپ قالدى جانە قالا بەرەدى. ونى وزگەرتۋ تۋرالى زاڭعا ەشقانداي وزگەرىس ەنگىزىلەيىن دەپ وتىرعان جوق, دەدى قايرات ءمامي. مەملەكەتتىك ءتىلدىڭ قولدانۋ اياسىن كەڭەيتۋ  بارشاعا ورتاق ماسەلە ەكەندىگىن تىلگە تيەك ەتكەن توراعا اتا زاڭدا قازاق ءتىلى مەملەكەتتىك ءتىل بولىپ بەكىتىلگەن جانە سولاي بولعاندىقتان دا كونستيتۋتسيا ءبىزدىڭ ارقايسىمىزعا تەك قانا قۇقىق بەرىپ قويماي, ءمىن­دەت تە جۇكتەيتىندىگىن اتاپ ءوتتى. سونداي-اق, ءتىلىمىزدىڭ ءمار­تە­بەسى زاڭدا بەلگىلەنگەنىن جانە ار­نايى باعدارلاما قابىلدانعانىن, سول باعدارلامالاردىڭ ۋاقى­تىن­دا ساپالى ورىندالۋىن قوعامدىق باقىلاۋعا الۋ, سول ءۇشىن تالاپتى كۇشەيتۋ كەرەكتىگىنە دە توقتالدى. اسقار تۇراپباي ۇلى.