كەشە پارلامەنت سەناتىنىڭ توراعاسى قايرات ءمامي قىتاي حالىق رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى چجوۋ ءليدى قابىلدادى, دەپ حابارلادى پارلامەنت سەناتىنىڭ ءباسپاسوز قىزمەتى.
كەزدەسۋ بارىسىندا قازاقستان مەن قىتايدىڭ ەكىجاقتى, ونىڭ ىشىندە پارلامەنتارالىق ءىس-قيمىل دەڭگەيىندەگى قاتىناستاردى ودان ءارى نىعايتۋ ماسەلەلەرى تالقىلاندى.
ق.ءمامي قازاقستان مەن قىتاي اراسىنداعى قاتىناستاردىڭ قارقىندى دامىپ كەلە جاتقانىن جانە ستراتەگيالىق ارىپتەستىك سەنىمدىلىكتىڭ جوعارى دارەجەسىمەن سيپاتتالاتىنىن اتاپ ءوتتى.
– ءبىزدىڭ ەلدەرىمىز اراسىنداعى ىنتىماقتاستىقتى دامىتۋداعى جانە ونى نىعايتۋداعى نەگىزگى ءرول ەكى مەملەكەت باسشىلارى ن.نازارباەۆ پەن حۋ تسزينتاوعا تيەسىلى, – دەدى سەنات توراعاسى.
پارلامەنت سەناتى توراعاسىنىڭ شاقىرۋى بويىنشا بيىلعى 23-28 قىركۇيەك ارالىعىندا حالىق وكىلدەرى بۇكىلقىتاي جينالىسى تۇراقتى كوميتەتىنىڭ ءتوراعاسى ۋ بانگو قازاقستانعا رەسمي ساپارمەن العاش رەت كەلەدى.
– ءبىز قىتايدىڭ جوعارى وكىلدى ورگانى باسشىسىنىڭ الداعى ساپارىنا ەرەكشە ماڭىز بەرەمىز, – دەدى ق.ءمامي جانە ول ۋ بانگونىڭ ءبىزدىڭ ەلىمىزگە كەلۋى تەك پارلامەنتارالىق ۇنقاتىسۋدى بەلسەندىلەندىرۋگە عانا ەمەس, مەملەكەتارالىق قاتىناستاردىڭ بارلىق باعىتتارىن نىعايتۋعا جاردەمدەسەتىنىن دە اتاپ ءوتتى.
ق.ماميگە قىتايلىق ارىپتەسى ۋ بانگونىڭ سالەمىن جەتكىزگەن چجوۋ لي ەكى مەملەكەت اراسىنداعى ستراتەگيالىق ارىپتەستىكتى ودان ءارى نىعايتۋدى جاقتايتىنىن ايتتى.
قىتاي ديپلوماتى قازاقستان مەن قىتايدىڭ ەكىجاقتى قاتىناستارى تۋرالى ق.ءماميدىڭ بەرگەن باعاسىمەن كەلىسە وتىرىپ, قازاقستان مەن قىتاي اراسىنداعى ستراتەگيالىق ارىپتەستىكتەگى تابىستار جوعارى دەڭگەيدەگى تۇراقتى جانە ناتيجەلى بايلانىستارعا نەگىزدەلەتىنىن مالىمدەدى.