تەگەۋرىندى تەحنيكانىڭ تيىمدىلىگى

وسى اپتانىڭ ىشىندە جشس قازاق اۋىل شارۋاشىلىعىن مە­حا­نيكالاندىرۋ جانە ەلەكترلەندىرۋ عىلىمي-زەرتتەۋ ينستيتۋتىندا «بەلارۋس-ەكسپو-2011» شەڭ­بە­رىندە كورمە بولىپ ءوتتى. وعان بەلارۋس رەسپۋبليكاسى پرەمەر-ءمينيسترىنىڭ ورىنباسارى ۆالەري يۆانوۆ باستاعان دەلەگاتسيا قاتىناستى. قازاقستان تاراپىنان توتەنشە جاعدايلار ءمينيسترى ۆلا­ديمير بوجكو جانە اتالعان ينس­تيتۋتتىڭ باس ديرەكتورى سەيىت­قازى كەشۋوۆ باسشىلىق جاساي­تىن عالىمدار توبى بولدى. مۇن­دا اگروونەركاسىپ كەشەنىن دامىتۋ بارىسى  اڭگىمە  ارقاۋىنا اي­نالدى. قوناقتار بىرلەسكەن قازاق-بەلورۋس تەحنيكالارىنىڭ جانە «مينسك تراكتور زاۋىتى» ساۋدا ءۇيىنىڭ كورمەلەرىمەن تانىستى. ال ەكىجاقتى باسقوسۋ بارىسىندا ينس­تيتۋتتىڭ مەحانيكالىق زاۋى­تى شىعارعان مال ازىعىن دايىن­دايتىن جانە جەر جىرتاتىن ءارى توپىراق وڭدەيتىن تەحنيكالاردىڭ جايى تۋرالى اڭگىمە قوزعالدى. بەلورۋسسيا پرەمەر-مي­نيس­ترى­نىڭ ورىنباسارى ۆالەري يۆانوۆ قازاقستانمەن ىنتىماقتاس­تىق­­تا­رىنا ايرىقشا ريزاشى­لى­عىن ءبىلدىردى. ول قازاقستاننىڭ ءوڭتۇس­تىك ايماقتارىنداعى جەر­لەر­دىڭ اۋىلشارۋاشىلىق ءونىم­دە­رىن ءون­دى­رۋگە وتە قولايلى ەكەنىنە, ءوسىم­دىك­تەر مەن مال شارۋا­شى­لى­عىن دامىتۋعا دا مۇمكىندىگى مول ەكەندىگىنە توقتالدى, سونىمەن قا­تار قازاقستاندا اگروونەركاسىپ كە­شە­نى­نىڭ كەلەشەگى زور ەكەنىنە دە جار­قىن مىسالدار كەلتىردى. وسى باعىتتار بويىنشا ساۋدا-ەكو­نو­ميكالىق بىرلەستىكتى بۇدان بىلاي دا نىعايتىپ, ينستيتۋت ۇجى­مىن وزدەرىندە وتەتىن «اگرو-2012» كورمەلەرىنە قاتىسۋعا شاقىردى. ال «قازاق اۋىل شارۋاشى­لى­عىن مەحانيكالاندىرۋ جانە ەلەك­ترلەندىرۋ عىلىمي-زەرتتەۋ ينس­تيتۋتى» جشس باس ديرەكتورى سەيىتقازى كەشۋوۆ تاجىريبەدەن وتكەن مەحانيكالىق زاۋىتتىڭ قوس­القى بولشەكتەردى جانە اۋىل­شا­رۋاشىلىق ماشينالارىنىڭ تو­لىق كەشەنىن شىعارۋعا ءمۇم­كىن­دىگى بار ەكەنىن تىلگە تيەك ەتتى. بە­لورۋستەردىڭ شىعارىپ جاتقان ما­شي­نالارى مەن تراكتورلارىنا قا­زاق­ستان عالىمدارى قاتتى كوڭىل ءبولىپ وتىر. سوندىقتان دا, ولارمەن بىرلەسە جۇمىس جۇرگىزۋدى ءوز­دەرىنىڭ باستى مىندەتتەرى سانايدى. ۇكىمەتارالىق كوميسسياعا ءتور­اعالىق ەتكەن ۆلاديمير بوجكو جاڭا تەحنيكالار شىعارۋدا ءادىس-تاسىلدەر مەن جاڭالىقتار ەنگىزۋ وسى عىلىمي-زەرتتەۋ ينستي­تۋتىنا جۇكتەلگەنىن قوناقتاردىڭ ەسىنە سالدى. ول ەكىجاقتى قا­رىم-قاتىناستىڭ وڭدى ناتيجەلەر بەرەتىنىنە ەشقانداي دا كۇمان كەلتىرمەيتىنىن ءبىلدىردى. قانات تاكەباەۆ, جۋرناليست. الماتى.