سەنىم گراموتالارىن قابىلدادى

مەملەكەت باسشىسى نۇرسۇلتان نازارباەۆ قازاقستان رەس­پۋب­ليكاسىندا جاڭادان تاعايىندالعان بىرقاتار شەتەل ەلشىلەرىنەن سەنىم گرامو­تالا­رىن قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. يتاليا رەسپۋبليكاسىنىڭ تو­تەنشە جانە وكىلەتتى ەلشىسى البەرتو پيەري, ەستون رەسپۋبلي­كا­سى­نىڭ توتەنشە جانە وكىلەتتى ەلشىسى ياان حەين, سلوۆاك رەسپۋب­لي­كاسىنىڭ توتەنشە جانە وكىلەتتى ەلشىسى ليۋبومير رەگاك, مالاي­زيا­نىڭ توتەنشە جانە وكىلەتتى ەلشىسى احماد راسيدي بەن حازيزي پرەزيدەنتكە سەنىم گراموتالا­رىن تاپسىردى. ءراسىم كەزىندە سويلەگەن سوزىن­دە مەملەكەت باسشىسى توتەنشە جانە وكىلەتتى ەل­شى­لەردىڭ ديپلو­ما­تيالىق ميسسيانىڭ باس­شى­سى رەتىندە قىزمەتىنە كىرىسۋلەرى قا­زاق­ستان ءۇشىن ايرىقشا كەزەڭمەن – تاۋەل­سىز­دىگى­مىزدىڭ 20 جىلدى­عى­مەن ورايلاس كەلىپ وتىر­عانىن اتاپ ءوتتى. وسى جىلدار ىشىندە قا­زاقستان ورنىقتى دامۋ ءۇشىن مىق­تى ىرگەتاس – زاماناۋي نارىقتىق ەكونوميكانى, ورنىق­تى ساياسي جۇيە­نى, توپتاسقان ازاماتتىق قو­عامدى قالادى. – ءبىزدىڭ ەلىمىز – يادرولىق قا­رۋسىزدانۋ جانە ونى تاراتپاۋ سالاسىندا اۋقىمدى حالىق­ارا­لىق ىنتىماقتاستىقتىڭ بەلسەندى مۇشەسى, ءبىز الەمدەگى 180-نەن استام مەملەكەتپەن سىرتقى ساياسي بايلانىس جاساپ كەلەمىز. ءبىز جا­قىن­دا سەمەي يادرولىق پوليگو­نى­نىڭ جابىلۋىنىڭ 20 جىلدىعىن اتاپ وتتىك. ازيا مەن ەۋروپانىڭ تۇيىسكەن جەرىندە ورنالاسا وتى­رىپ, ءبىزدىڭ ەلىمىز حالىقتار مەن وركەنيەتتەردى بايلانىستىراتىن دوس­تىق پەن ءوزارا تۇسىنىستىكتىڭ كوپىرى قىزمەتىن اتقارا الادى, – دەدى مەملەكەت باسشىسى. قازاقستاننىڭ حالىقارالىق ارەناداعى بەدەلىنىڭ ارتقانىنا ەۋرو­پاداعى قاۋىپ­سىزدىك جانە ىن­تىماقتاستىق ۇيىمى, شانحاي ىن­تىماقتاستىق ۇيىمى ءتارىزدى بەدەلدى ۇيىمدارعا تابىستى تور­اعا­لىق ەتۋى دالەل بولادى. قازىرگى ۋاقىتتا ءبىزدىڭ ەلىمىز يسلام ىن­تى­ماقتاستىعى ۇيىمىنا توراعا­لىق ەتۋدە. مۇسىلمان الەمى ەلدەرىمەن قارىم-قاتىناستى جان­دان­دىرۋ قازاقستاننىڭ كوپ­ۆەك­تورلى سىرتقى ساياساتىنىڭ باسىمدىق­تا­رىنىڭ ءبىرى بولىپ تابىلادى. پرەزيدەنت مالايزيانى وڭ­تۇس­تىك-شى­عىس ازياداعى جانە جالپى العاندا, مۇسىل­مان الە­مىن­دەگى ماڭىزدى سەرىكتەس ەل رەتىندە قاراستىراتىنىن مالىمدەدى. ءبىزدىڭ ەلدەرىمىز اراسىنداعى سەنىمدى ەكىجاقتى بايل­ا­نىستار جو­عارى جانە بيىك دەڭگەيدە. مالايزيا پرەمەر-ءمينيسترى نادجيب رازاكتىڭ بيىلعى جىلدىڭ ماۋ­سىمىندا استاناعا ساپارى ەكى­جاق­تى قارىم-قاتىناستارعا قو­سىمشا سەرپىن بەردى. – ءبىز مالايزيانىڭ يسلام ىنتىماقتاس­تىعى ۇيىمىنىڭ قا­لىپ­تاسۋى مەن دامۋىنا قوسقان ۇلە­سىن جوعارى باعالايمىز. يىۇ-نىڭ اياسىنداعى قازاق­ستان­دىق توراعالىققا مالايزيانىڭ قولداۋ كورسەتۋى ءبىز ءۇشىن وتە ما­ڭىزدى, – دەدى مەملەكەت باس­شىسى. نۇرسۇلتان نازارباەۆ ەۋرو­پا­لىق وداق ەلدەرى اراسىنداعى ءبىز­دىڭ جەتەكشى ەكونومي­كا­لىق سە­رىكتەستەرىمىزدىڭ ءارى ءىرى ينۆەس­تور­لارىمىزدىڭ ءبىرى – يتاليامەن ىن­تىماق­تاستىققا قازاقستان ۇل­كەن ءمان بەرەتىنىن اتاپ ءوتتى. قا­زاقستان مەن يتاليا اراسىندا ىن­­تىماقتاستىق پەن ونىڭ كەلەشەك دا­مۋى­نىڭ بارلىق باعىت­تا­رىن قامتىعان ستراتە­گيالىق سەرىكتەستىك تۋرالى شارتقا قول قوي­ىلعان. ەكى ەل اراسىندا جوعارى دەڭ­گەيدە جاقسى ۇنقاتىسۋ ورنىق­قان. بۇل كەزدەسۋ ءبىزدىڭ ەلدەرىمىز اراسىنداعى اق پەيىلدى سەنىمنىڭ دالەلى بولىپ تابىلادى, – دەپ اتاپ ءوتتى پرەزيدەنت. مەملەكەت باسشىسى قازاقستان سلوۆاك رەسپۋبليكاسىن شىعىس ەۋروپاداعى ما­ڭىزدى سەرىكتەس رە­تىندە قاراستىراتىنىن اتاپ ءوتتى. كولىك, ماشينا جاساۋ, ەنەر­گە­تيكا, اۋىل شارۋاشىلىعى, اق­پا­راتتىق تەحنولوگيا, ءبىلىم بەرۋ مەن تۋريزم سالالارىنداعى ىن­تى­ماقتاستىق ۇلكەن الەۋەتكە يە ەكەنىنە توقتالدى. سلوۆاك ەلىنىڭ ونەركاسىپكە وزىق تەحنولوگيانى ەنگىزۋ, قازاقستانداعى بىرلەسكەن كاسىپورىندارعا قولدانۋداعى ين­نو­ۆاتسيالىق دامۋ تاجىريبەسى قى­زىعۋشىلىق تۋدىرادى. پرەزيدەنت ەستون رەسپۋب­لي­كا­سى قازاق­ستاننىڭ بالتىق ايما­عىن­داعى ماڭىزدى ساياسي جانە ەكو­نوميكالىق سەرىكتەسى بولىپ تا­بىلاتىنىن اتاپ كورسەتتى. مەم­لەكەت باس­شى­سى بيىلعى جىل­دىڭ ساۋىرىندە قايتا سايلانعاننان كەيىنگى ءوزىنىڭ العاشقى شەتەلدىك ساپارىن ەستونياعا جاسادى. قا­زاق­ستان مەن ەستونيا اراسىندا جو­عارى دەڭ­گەيدە سەنىمدى ۇنقا­تى­سۋ ورنىققان, ءوزارا ءىس-قيمىلدىڭ نەگىزگى باسىمدىقتارى ايقىن­دال­عان, كەلىسىمدىك-قۇقىقتىق بازا قۇرىل­عان, ۇكىمەتارالىق كوميسسيا جانە وزگە دە مەحانيزمدەر جۇمىس ىستەيدى. – وسى ءساتتى پايدالانىپ, ەس­تون حالقىن مەملەكەت تاۋەل­سىز­دىگىنىڭ 20 جىلدىعىمەن, ال پرەزيدەنت تووماس يلۆەستى ەكىنشى مەرزىمگە قايتا سايلانۋىمەن قۇتتىقتايمىن! – دەدى نۇرسۇلتان نازارباەۆ. مەملەكەت باسشىسى توتەنشە جانە وكى­لەتتى ەلشىلەردى استانادا جاۋاپتى ديپلو­ما­تيالىق قىزمەت­تەرى­نىڭ باستالۋىمەن قۇتتىق­تاپ, ولاردىڭ ميسسياسى تابىستى دا ءونىمدى بولاتىنىنا, ءبىزدىڭ مەملەكەتتەرىمىز اراسىن­داعى قارىم-قاتىناستاردىڭ جان-جاقتى دا­مۋى­نا قىزمەت ەتەتىنىنە سەنىم ءبىلدىردى. ءوز كەزەگىندە, جاڭادان تاعاي­ىندالعان ەلشىلەر پرەزيدەنت نۇر­سۇلتان نازارباەۆقا ىقىلاس­تى ءسوزى ءۇشىن العىس ءبىلدىرىپ, ءوز ەل­دەرىنىڭ قازاقستانمەن ىنتى­ماق­تاستىعىن ودان ءارى دامىتۋ ءۇشىن بار كۇش-جىگەرلەرىن جۇم­ساي­تىندىقتارىن ايتتى.