قازاقستاندا ەلەكتر ەنەرگياسىن شىعاراتىن ۇيىمدارعا ارتىق ەنەرگيانى سىرت مەملەكەتتەرگە ساتۋعا رۇقسات بەرۋ جايى قاراستىرىلۋدا. بۇل تۋرالى بۇگىن پارلامەنت ماجىلىسىندە "ەنەرگەتيكا ماسەلەلەرى تۋرالى" زاڭ جوباسىن تالقىلاۋعا ارنالعان دوڭگەلەك ۇستەلدە "KEGOK" اق تەxنولوگيالىق دامۋ بويىنشا اتقارۋشى ديرەكتورى اسكەربەك قۋانىشباەۆ ءمالىم ەتتى, دەپ xابارلايدى قازاقپارات.
"ەلەكتر ەنەرگياسىنا شەكتى تاريفتەر ەنگىزىلگەننەن بەرگى 7 جىل ىشىندە كوپ ءىس اتقارىلدى. سالاعا تريلليون تەڭگەگە تارتا ينۆەستيتسيا سالىندى. قازىر قازاقستاندا 20 مىڭ مەگاۆاتت قۋاتتىلىق تىركەلسە, ونىڭ ىشىندە 3 مىڭ مەگاۆاتت ەلەكتر ەنەرگياسى پروفيتسيت بولىپ سانالادى", - دەدى ول.
ونىڭ سوزىنشە, بۇل پروفيتسيت ءالى 2026-2027 جىلدارعا دەيىن ساقتالادى.
"اتالعان زاڭ جوباسىنىڭ 13-بابىندا بىلاي دەلىنگەن: ەنەرگيا ءوندىرۋشى ۇيىم قر بىرىڭعاي ەلەكتروەنەرگەتيكالىق جۇيەدە ەلەكتر ەنەرگياسىنىڭ ءپرويفيتسيتى كەزىندە ەلەكتر ەنەرگياسىن قازاقستاننان تىس مەملەكەتتەرگە قر تۇتىنۋشىلارى ساتىپ الاتىن باعادان كەم ەمەس دەڭگەيدە ساتۋعا قۇقىلى", - دەپ ءتۇسىندىردى اسكەربەك قۋانىشباەۆ.