"پروبلەمالىق نەسيەلەر قورى" اق-نان بولىنەتىن قارجى بتا بانكىنىڭ پورتفەلىن قازكومنان ءبولىپ الۋعا جۇمسالادى, دەپ مالىمدەدى بۇگىن ۇلتتىق بانك توراعاسىنىڭ ورىنباسارى ولەگ سمولياكوۆ.
«قازكوم قارىزىنىڭ شامامەن 50 پايىزى بتا-عا تيەسىلى. 2015 جىلى قازكوم بانكى مەن بتا اراسىندا جاسالعان اكتيۆتەر مەن مىندەتتەمەلەردى ءبولىسۋ تۋرالى كەلىسىمنىڭ ناتيجەسىندە قازكومنىڭ موينىنا بتا قارىزى ءىلىندى. ونداعى ماقسات بتا بانكىنىڭ اكتيۆىنە ۇزاقمەرزىمدى ينۆەستيتسيا تارتۋ ەدى. ەندى پروبلەمالىق نەسيەلەر قورى قازكومنىڭ موينىنداعى اتالعان قارىزدى ءبولىپ الۋ ءۇشىن قارجى بولەدى. وسى قاراجاتقا پنق (پروبلەمالى نەسيەلەر قورى) قازكومنىڭ بتا-عا ۇزاق مەرزىمگە بەرگەن اكتيۆتەرى, اتاپ ايتار بولساق, جەر تەلىمدەرى, كوممەرتسيالىق جىلجىمايتىن م ۇلىكتەر مەن وزگە دە اكتيۆتەردى ساتىپ الادى", - دەدى ولەگ سمولياكوۆ.
ونىڭ ايتۋىنشا, الداعى ۋاقىتتا بتا اكتيۆتەرى زاڭگەرلىك جانە قارجىلىق قاتەرلەردەن تازارتىلماق.
ء"بىز بۇل جۇمىستاردى جەكە سەكتورداعى مەملەكەتتىك-جەكە مەنشىك ارىپتەستىك اياسىندا قولعا الىپ وتىرمىز. جانە دە قازىرگى تاڭدا بانك يەلىگىندە بوس تۇرعان جەرلەردى اينالىمعا ەنگىزۋ ءۇشىن ينۆەستور ىزدەستىرەتىن بولامىز. بۇل تۇرعىدا پنق قارجىسى قازكومعا تىكەلەي بەرىلەدى دەپ تۇسىنبەۋ كەرەك", - دەدى ولەگ سمولياكوۆ.