بۇگىن ءماجىلىس توراعاسى نۇرلان نىعماتۋليننىڭ بەلارۋس رەسپۋبليكاسىنا ەكى كۇندىك جۇمىس ساپارى باستالدى, دەپ حابارلايدى ءماجىلىستىڭ ءباسپاسوز قىزمەتى. مەجەلى شارالار اياسىندا جەڭىس مونۋمەنتى جانىنداعى ماڭگىلىك الاۋعا گۇل شوقتارىن قويۋ جوسپارلانعان. سونداي-اق, بەلارۋس ۇلتتىق جينالىسى وكىلدەر پالاتاسى باسشىسىمەن كەزدەسۋ بەلگىلەنگەن. ساپار بارىسىندا ءماجىلىس سپيكەرى بەلارۋس مەملەكەتتىك ۋنيۆەرسيتەتى ۇجىمىمەن جانە ستۋدەنتتەرىمەن كەزدەسەدى دەپ كۇتىلۋدە. سونىمەن بىرگە, مينسك كولىك زاۋىتىنا بارۋى جوسپارلانعان.