ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ۇستازدار قاۋىمى اقمولا وبلىسىنىڭ قورعالجىن اۋدانىنداعى «دوستىق» ورتا مەكتەبى ۇجىمىمەن جانە تۇرعىندارمەن كەزدەسۋ وتكىزىپ, ەلباسى نۇرسۇلتان نازارباەۆتىڭ جولداۋىنداعى مىندەتتەردىڭ ماڭىزىن اشىپ كورسەتۋگە ۇمتىلدى.
بۇل كەزدەسۋدە جەرگىلىكتى باسشىلىق تاراپىنان اۋدان اكىمىنىڭ ورىنباسارى ج.تۇستىكباەۆ, ىشكى ساياسات ءبولىمىنىڭ باسشىسى س.نۇركەنوۆا, ءبىلىم ءبولىمىنىڭ باسشىسى س.رىسباەۆ, سونداي-اق «جاس وتان» جق مۇشەلەرى, مۇعالىمدەر مەن جوعارى سىنىپ وقۋشىلارى قاتىستى.
عىلىمي توپتى ل.ن.گۋميلەۆ اتىنداعى ەۇۋ پرورەكتورى, ۇعا كوررەسپوندەنت-مۇشەسى, فيلولوگيا عىلىمدارىنىڭ دوكتورى, پروفەسسور ديحان قامزابەك ۇلى باستاپ كەلدى. ال توپ قۇرامىندا اتالعان ۋنيۆەرسيتەتتىڭ ساياساتتانۋ كافەدراسىنىڭ پروفەسسورى, ساياساتتانۋ عىلىمدارىنىڭ دوكتورى ءناۋبات قاليەۆ, قازاق ادەبيەتى كافەدراسىنىڭ پروفەسسورى, فيلولوگيا عىلىمدارىنىڭ دوكتورى سەرىك نەگيموۆ, فيزيكا-تەحنيكا فاكۋلتەتىنىڭ دەكانى, فيزيكا-ماتەماتيكا عىلىمدارىنىڭ دوكتورى ءابدىراش اقىلبەكوۆ جانە قازاق ءتىل ءبىلىمى كافەدراسىنىڭ پروفەسسورى, فيلولوگيا عىلىمدارىنىڭ دوكتورى جانتاس جاقىپوۆ بولدى.
ولار ەلباسى جولداۋىنداعى ءمىندەتتەرگە كەڭىنەن توقتالىپ, ونى ناقتى مىسالدارمەن جان-جاقتى ءتۇسىندىرىپ, جينالعانداردىڭ كوپتەگەن سۇراعىنا ناقتى جاۋاپتار بەردى. جيىن بارىسىندا عالىمدار ۋنيۆەرسيتەت اتىنان مەكتەپكە «Lego» روبوتتىق-تەحنيكالىق كەشەنىن سىيعا تارتتى. ءوز كەزەكتەرىندە تۇرعىندار العىسىن جەتكىزگەن اۋداندىق ءبىلىم ءبولىمىنىڭ باسشىسى س.رىسباەۆ مەيماندارعا سىي-سىياپات جاسادى.
اسقار تۇراپباي ۇلى,
«ەگەمەن قازاقستان»
اقمولا وبلىسى