ۇكىمەتتىك ەمەس ۇيىمدار بايقاۋى

كەشە ازاماتتىق باستامالاردى قولداۋ ور­تالىعى جاريالاعان ۇكىمەتتىك ەمەس ۇيىمدارعا ار­نالعان مەملەكەتتىك گرانتتاردىڭ ەكىنشى كونكۋرسىنىڭ ساراپشىلىق كوميس­سياسى وتىرىس وتكىزدى. كوميسسيا ورتالىققا 185 ۇيىمنان كەلىپ تۇسكەن 323 ءوتىنىمدى قارا­س­تىرىپ, 47 گرانتتىق تاقىرىپ بويىنشا 42 جەڭىمپازدى انىقتادى. «ازاماتتىق باستامالاردى قولداۋ ورتالىعى» كوممەرتسيالىق ەمەس اكتسيونەرلىك قوعامىنىڭ باسقارما توراعاسى نۇرلان وتەشەۆتىڭ ايتۋىنشا, بايقاۋعا 229 ۇيىمنان بارلىعى 386 ءوتىنىم ءتۇسىپتى. − ساراپشىلىق كوميسسيا سوڭعى ەكى اپتانىڭ ىشىندە وتىنىمدەردى مۇقيات قاراپ, ولاردى 10 بالدىق جۇيە بويىنشا باعالادى, – دەدى ن.وتەشەۆ. قىزىل جارتى اي قوعامىنىڭ باس ديرەكتورى, ساراپشىلىق كوميسسيا مۇشەسى ەلەنا كيمنىڭ ايتۋىنشا, وڭىرلەردەگى ۇكىمەتتىك ەمەس ۇيىمدارعا ءوتىنىم تولتىرۋدا تاجىريبە جەتىسپەيدى. − بىرقاتار وتىنىمدەر گرانت تاقى­رى­بىنا ساي كەلمەيدى, كەيبىر تاقىرىپتار بويىنشا ءوتىنىم­دەردىڭ سانى از. سول سەبەپتى, ساراپشىلىق كوميسسيا بىرقاتار تاقىرىپ بويىنشا كونكۋرستى قايتا جاريالاۋ تۋرالى شەشىم قابىلدادى, – دەدى ە.كيم. كوميسسيا تاراپىنان ەڭ جوعارى ۇپايلارعا قول جەتكىزگەن ۇكىمەتتىك ەمەس ۇيىمدار كەلەسى كەزەڭدە «ازاماتتىق باستامالاردى قولداۋ ورتالىعى» كوممەرتسيالىق ەمەس اكتسيونەرلىك قوعامىنىڭ گرانتتىق قارجىلاندىرۋ سالاسىنداعى ورتاق وپەراتورىمەن ارادا كەلىسىمشارت جاساساتىن بولادى. ەكىنشى كونكۋرس جەڭىمپازدارىنىڭ ءتىزىمى ورتالىقتىڭ رەسمي سايتىندا جاريالانعان. ارنۇر اسقار, «ەگەمەن قازاقستان»