بيىل رف ومبى وبلىسىندا قازاقتىڭ ناۋرىز مەرەكەسىن كەڭىنەن اتاپ وتىلمەك, دەپ حابارلادى om1.ru.
مەرەكەلىك شارا نازىۆاەۆسكي اۋدانىندا وتەدى. مۇندا ءارتۇرلى سپورتتىق ويىندار دا كورسەتىلمەك. قازاق دياسپوراسى گىر سپورتى, ارمرەستلينگ, ارقان تارتۋ, كۇرەس جارىستارىن قامتىعان باعدارلاما ازىرلەگەن. مەرەكەنىڭ شىرقاۋ شەگى بايگە بولماق.
باستى شارا 23 ناۋرىزدا ومبى فيلورمونياسىندا وتەدى. «ءمولدىر» سىبىرلىك قازاق مادەنيەتى ورتالىعى «ناۋرىز-دۋمان» كونتسەرتىن ۇيىمداستىرادى. وندا ومبى جانە ومبى وبلىسىنىڭ شىعارماشىلىق ۇجىمى جانە قازاقستاننان اسقار نايمانتاەۆ پەن بازارباي مۇرات ونەر كورسەتەدى.
اتاپ وتسەك, يۋنەسكو كوكتەمنىڭ شىعىس مەرەكەسىن ادامزاتتىڭ بەيزاتتىق (ماتەريالدىق ەمەس) مادەني مۇراسى تىزىمىنە ەنگىزگەن, يۋنەسكو كۇنتىزبەسىندە ول ناۋرىز حالىقارالىق كۇنى دەپ اتالادى.