ەلىمىزدىڭ ۇزدىك ساراپشىلارى ەكونوميكالىق بەلسەندىلىكتىڭ دامۋ جولدارىن قاراستىرادى, دەپ جازادى palata.kz.
ساراپشىلاردىڭ العاشقى اشىق الاڭىندا جاڭا جاعدايداعى ەكونوميكانىڭ جاڭعىرۋىنىڭ بولاشاق قادامدارىن تالقىلاناتىن بولادى.
قازاقستان رەسپۋبليكاسىنىڭ ەكونوميكاسى جونىندەگى ساراپشىلار كەڭەسى قازاقستان رەسپۋبليكاسى پرەمەر-ءمينيسترىنىڭ 2016 جىلدىڭ 6 جەلتوقسانىنداعى جارلىعىمەن بەكىتىلگەن. بۇل – ەكونوميكا سالاسىن دامىتۋ جولىنداعى اقىل-كەڭەستەر مەن ۇسىنىستاردى سۇزگىدەن وتكىزىپ, قورىتۋ ماقساتىندا قۇرىلعان كەڭەسشى ورگان.
قر ەكونوميكاسى جونىندەگى ساراپشىلار كەڭەسى قۇرامى قوعامنىڭ ءتۇرلى سالاسىندا قىزمەت ەتەتىن, ايتاتىن ويى مەن وزىندىك ورنى بار تۇلعالاردان جاساقتالعان. كەڭەس قۇرامىندا ەلدار ابدىرازاقوۆ, جاراس احمەتوۆ, ءانۋار بورانباەۆ, ەربولات دوساەۆ, جاننات ەرتىلەسوۆا, وراز جاندوسوۆ, قايرات كەلىمبەتوۆ, ەرلان قارين, جاقسىلىق قۇلەكەەۆ, ابىلاي مىرزاحمەتوۆ, مەرۋەرت ماحمۇتوۆا, سەرجان ماديەۆ, ولجاس حۋدايبەرگەنوۆ, ءۇمىت شاياحمەتوۆا بار.
قر ەكونوميكاسى جونىندەگى ساراپشىلار كەڭەسىنىڭ اتقارار قىزمەتى جان-جاقتى بولماق. دامۋ قارقىنى جاقسى سالالاردا مەملەكەتتىڭ باقىلاۋىمەن قاتار القالى توپتار مەن كەڭەستەردىڭ جۇمىسى ەسەپكە الىنادى. ەكونوميكادا ورىن العان ماسەلەلەردى دەر كەزىندە شەشىپ, حالىقتىڭ مۇڭ-مۇقتاجىن نازاردا ۇستاپ, ءوز ۇسىنىستارىن ورتاعا سالاتىن, وي ەلەگىنەن وتكىزىپ, شەشۋ جولدارىن تالقىلايتىن ەل اعالارىنىڭ ويى ماڭىزدى.
ساراپشىلار كەڭەسى ەڭ وزەكتى ماسەلەردى تالقىلاۋ ءۇشىن ايىنا ءبىر رەت باس قوسادى. بيىلعى جىلدىڭ ناۋرىز ايىندا كەڭەستىڭ 3 وتىرىسى وتكىزىلدى. وندا دەنساۋلىق ساقتاۋ, بانك جۇيەسى جانە ەكونوميكانىڭ نەگىزگى سالالارىنىڭ باسەكەگە توزىمدىلىگى, مەملەكەتتىك وڭىرلىك ساياساتى بويىنشا ماسەلەلەر تالقىلاندى. اتالعان باعىتتار بويىنشا ساراپشىلار ءوز ۇسىنىستارى مەن پىكىرلەرىن بىلدىرەدى.
الداعى ۋاقىتتا بۇل كەڭەستىڭ جۇمىسى تۋرالى اقپارات «اتامەكەن» ۇكپ سايتىندا جانە قازاقستان ەكونوميستەر قاۋىمداستىعى سايتىندا http://www.economist.kz/ تۇراقتى تۇردە جاريالانادى. كەڭەستىڭ جۇمىسى قوعامعا اشىق تۇردە كورسەتىلەدى. كەڭەس تۇرالى تولىق اقپاراتتى «اتامەكەن» ۇكپ سايتىندا, قر ەكونوميكاسى جونىندەگى ساراپشىلار كەڭەسى پاراقشاسىنان بىلۋگە بولادى.