16-17 ناۋرىزدا «الاۋ» مۇز سارايىندا كىشى, ورتا جانە ەرەسەك جاستاعى جاسوسپىرىمدەر اراسىندا كونكيمەن جۇگىرۋ سپورتىنان قازاقستان رەسپۋبليكاسىنىڭ چەمپيوناتى وتەدى, دەپ حابارلايدى استانا اكىمدىگىنىڭ ءباسپاسوز قىزمەتى.
جارىستىڭ ۇيىمداستىرۋشىلارى - قر مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتىنىڭ شتاتتىق ۇلتتىق كوماندالار جانە سپورتتىق رەزەرۆ ديرەكتسياسى.
چەمپيونات باعدارلاماسىندا 500 م, 1000 م, 1500 م جانە 3000 م قاشىقتىقتار بەرىلەدى. اتالعان قاشىقتىقتاردا سولتۇستىك قازاقستان, شىعىس قازاقستان, اقتوبە, پاۆلودار, قوستاناي, قاراعاندى وبلىستارىنىڭ, استانا جانە الماتى قالالارىنىڭ كونكيشىلەرى كۇش سىناساتىن بولادى.