تاياۋدا ۆەنەتسيا قالاسىندا ەۋروپا كەڭەسىنىڭ «قۇقىق ارقىلى دەموكراتيا ءۇشىن» ەۋروپالىق كوميسسياسىنىڭ (ۆەنەتسيا كوميسسياسى) 110-جالپى سەسسياسى ءوتتى. سەسسيانىڭ كۇن ءتارتىبىنە «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭى بويىنشا كوميسسيانىڭ قورىتىندىسىن جاريالاۋ تۋرالى ماسەلە ەنگىزىلدى.
سەسسيا جۇمىسىنا قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى ت.دوناقوۆ, كونستيتۋتسيالىق كەڭەستىڭ توراعاسى ي.روگوۆ جانە قازاقستان زاڭگەرلەرى وداعىنىڭ توراعاسى ر.مۇقاشەۆ قاتىستى.
اتالعان قورىتىندىنىڭ جوباسىن دايىنداۋ ءۇشىن كوميسسيا ارمەنيانىڭ, بولگاريانىڭ, گرۋزيانىڭ, لاتۆيانىڭ, رەسەيدىڭ ءجانە تۇركيانىڭ تانىمال ماماندارىن شاقىردى. ساراپشىلاردىڭ, كوميسسيا مۇشەلەرىنىڭ جانە قازاقستان وكىلدەرىنىڭ پىكىرىن تىڭداۋ ءناتيجەسىندە كوميسسيا قازاقستانداعى كونستيتۋتسيالىق وزگەرىستەر مەملەكەتتى دەموكراتيالاندىرۋ پروتسەسىندەگى العا باسىلعان قادام دەپ اتاپ وتىلگەن تۇجىرىمدامانى قابىلدادى. بۇل رەفورما ەلدىڭ ودان ءارى دامۋىنىڭ وڭ باعىتىن كورسەتىپ, ناقتى پروگرەستى دالەلدەيدى.
كوميسسيانىڭ پىكىرى بويىنشا, پارلامەنتتىڭ جانە پارلامەنت پالاتالارىنىڭ ءرولىن كوتەرۋ, رەسپۋبليكا پرەزيدەنتىنىڭ كەيبىر فۋنكتسيالارىن ۇكىمەتكە بەرۋ, ونىڭ پارلامەنتكە ەسەپ بەرۋى ءجانە باقىلاۋىندا بولۋى تەتىكتەرىن كۇشەيتۋ وڭ وزگەرىس بولىپ تابىلادى جانە بۇدان بۇرىن, 1998, 2007 جىلدارى وتكىزىلگەن كونستيتۋتسيالىق رەفورمالاردىڭ باعىتىنا ساي كەلەدى. وعان قوسا, كوميسسيا «اكىمشىلىك راسىمدەر تۋرالى» قازاقستان رەسپۋبليكاسى زاڭىنىڭ جوباسى بويىنشا دا قورىتىندى بەرىپ, قازاقستان رەسپۋبليكاسى سۋديالىق ادەپ كودەكسىنىڭ جوباسى بويىنشا ىسكە قاناعاتتانۋشىلىق ءبىلدىردى, دەپ حابارلادى كونستيتۋتسيالىق كەڭەستىڭ باسپاسوز قىزمەتى.