«بەرەكەنىڭ» قۇرىلىسى بەرەكەسىز بولىپتى

اتىراۋ وبلىسىندا ءوت­كەن جىلى 284 نىسان پاي­دالانۋ­عا بەرىلدى. ونىڭ ىشىندە 15 تۇرعىن ءۇي بار. وبلىستىق مەملەكەتتىك ساۋلەت-قۇرىلىس باقى­لاۋ باسقارماسىنىڭ ينسپەك­تور­لارى بيۋدجەتتىك تۇر­عىن ءۇي قۇرىلىستارىنا باقى­­لاۋ جۇرگىزىپ وتىرادى. بىل­­تىر­دىڭ وزىندە 300-گە جۋىق نىسان تەكسەرىلگەن ەكەن, قۇرىلىس ماتەريالدارى­نىڭ ساپاسى تالاپقا ساي كەلمەيتىن 49 نى­سان­دا­عى كەمشىلىكتەردى جويۋ جونىندە ەسكەرتۋ جاسالىپتى. مەملەكەتتىك ساۋلەت-قۇرى­لىس باقىلاۋ باسقارماسى باس­شىسىنىڭ مىندەتىن اتقا­رۋ­شى اسىلبەك ومارقۇلوۆتىڭ ايتۋىنشا, پروبلەما نەگىزىنەن باس مەردىگەر, اۆتورلىق جانە تەحنيكالىق قاداعالاۋ قىز­مەت­كەرلەرىنىڭ جۇمىسقا سال­عىرت قاراۋلارىنان بولا­د­ى ەكەن. مىسالى, «بەرەكە» شا­­عىن اۋدانىنداعى قۇرى­لىس-مونتاج جۇمىستارى كەزىن­دە قۇرىلىسشىلاردىڭ ورەس­كەل قاتەلىك جىبەرگەنى انىق­تا­لىپ, 3 ملن 500 مىڭ تەڭگە كولە­مىن­دە اكىمشىلىك ايىپپۇل سالىنعان. وتكەن جىلى باسقارما قىز­مەتكەرلەرى قۇزىرلى ورگان­دارمەن بىرلەسىپ, 26 نى­سان­دى تەكسەرۋگە قاتى­سىپ­تى. انىق­تالعان كەمشىلىكتەر بويىن­شا قۇرىلىس مەكەمە­لەرى مەن جەكە كاسىپكەرلەر اكىم­­شى­لىك جاۋاپ­كەرشىلىك­كە تار­تىل­دى. «ايىپپۇلدىڭ جالپى كولە­مى 8 738 520 تەڭگە بول­دى. تەح­نيكالىق قادا­عالاۋ جاسا­عان ءۇش ساراپ­شىعا اتتەس­تات­­تارىنىڭ جارام­دىلىعىن توق­تاتۋ جانە ايىپ­پۇل سالۋ شارا­لارى قول­دانىلدى», دەيدى ا.ومارقۇلوۆ. باقىتگۇل باباش, «ەگەمەن قازاقستان» اتىراۋ