ءماجىلىس دەپۋتاتتارى جەتىسۋ مەملەكەتتىك ۋنيۆەرسيتەتىنىڭ ستۋدەنتتەرى جانە وقىتۋشىلارىمەن, سونداي-اق كەزدەسۋگە ارنايى شاقىرىلعان اۋعان سوعىسى ارداگەرلەرىمەن كەزدەستى.
كەزدەسۋگە «نۇر وتان» پارتياسى فراكتسياسىنىڭ مۇشەلەرى باقىتجان ەرتاەۆ, بەيبىت مامراەۆ, باقىتبەك سماعۇل, شاكير حاحازوۆ قاتىستى. ءىس-شاراعا قاتىسۋشىلار ىشىندە پارتيانىڭ وبلىستىق فيليالى توراعاسىنىڭ ءبىرىنشى ورىنباسارى عالياسقار سارىباەۆ, وبلىس اكىمدىگى مەن مەملەكەتتىك اتقارۋشى ورگانداردىڭ وكىلدەرى دە بولدى.
جيىندا اۋعان سوعىسىنىڭ ارداگەرلەرىنە ءسوز بەرىلىپ, حالىق قالاۋلىلارىنىڭ ۇسىنىس-پىكىرلەرى تىڭدالدى. سونداي-اق, ءماجىلىس دەپۋتاتتارى كەزدەسۋ بارىسىندا ۋنيۆەرسيتەتتىڭ ماتەريالدىق-تەحنيكالىق جابدىقتالۋىمەن تولىق تانىسىپ, ەلباسى ساياساتىنىڭ جەرگىلىكتى جەردە ىسكە اسىپ جاتقانىنىڭ كۋاسى بولدى. ب.مامراەۆ رەسپۋبليكا دەڭگەيىندە ىسكە اسىرىلىپ جاتقان ءبىلىم بەرۋ سالاسىنداعى وزگەرىستەر تۋرالى قىسقاشا اقپاراتتار بەرىپ, ەڭبەك ۇجىمى مۇشەلەرىمەن ءوزارا پىكىر الماستى.
ءماجىلىس دەپۋتاتتارى وقۋشىلار سارايىندا, جاستار رەسۋرستىق ورتالىعىندا بولىپ, ونداعى بەلسەندى جاستارمەن سۇحباتتاستى.
ماجىلىسمەندەر بارعان كەلەسى نىسان مۇمكىندىگى شەكتەۋلى جاندارعا ارنالعان ارنايى «اسار» سپورتتىق-وڭالتۋ ورتالىعى بولدى. اتالعان ورتالىقتىڭ نەگىزگى ماقساتى – ومىرتقاسىنا زاقىم كەلگەن جانە قيمىل-قوزعالىسى شەكتەۋلى مۇگەدەك جانداردى قايتا قالپىنا كەلتىرۋگە كومەكتەسۋ.
دەپۋتاتتارعا سپورت نىسانىنىڭ «بيزنەستىڭ جول كارتاسى-2020» مەملەكەتتىك باعدارلاماسى اياسىندا جەتكىلىكتى كولەمدە گرانت بەرىلىپ, سالىنعانى جايىندا حاباردار ەتىلدى.
ءماجىلىس دەپۋتاتتارى كەزدەسۋلەر بارىسىندا ەلباسىنىڭ «100 ناقتى قادام» ۇلت جوسپارى, «نۇرلى جول», «نۇرلى جەر» مەملەكەتتىك باعدارلامالارى تۋرالى, سونىمەن قاتار, پارتيانىڭ «قازاقستان-2021: بىرلىك. تۇراقتىلىق. جاسامپازدىق» سايلاۋالدى باعدارلاماسى مەن ەلباسىنىڭ 2017 جىلى 31 قاڭتارداعى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن, ەلباسىنىڭ بيلىك وكىلەتتىلىكتەرىن ءبولۋ جايىنداعى ۇندەۋىن جان-جاقتى تالقىلادى.
سونداي-اق, رەسپۋبليكا دەڭگەيىندە ىسكە اسىرىلىپ جاتقان يندۋستريالىق-يننوۆاتسيالىق جوبالار تۋرالى قىسقاشا اقپاراتتار بەرىپ, ەڭبەك ۇجىمى مۇشەلەرىمەن ءوزارا پىكىر الماستى.
نۇربول الدىباەۆ, «ەگەمەن قازاقستان»
تالدىقورعان