الماتىم, سەن امان بول! ارمىسىڭ, كراسنويارسك!

«الماتى ارەنادا» ءححVىىى دۇنيەجۇزىلىك قىسقى ۋنيۆەرسيادا سالتاناتتى تۇردە جابىلدى. « ۇلى دالا سارىنى» قويىلىمىمەن داۋىلپازدار باستاعان سالتاناتقا قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ, حالىقارالىق ستۋدەنتتەر سپورت فەدەراتسياسىنىڭ (FISU) پرەزيدەنتى ولەگ ماتىتسين, الماتى قالاسىنىڭ اكىمى باۋىرجان بايبەك جانە كەلەسى ءححىح دۇنيەجۇزىلىك قىسقى ۋنيۆەرسيادانى وتكىزۋشى كراسنويارسك قالاسىنىڭ مەرى ەدحام اكبۋلاتوۆ جانە باسقا دا بىرقاتار مارتەبەلى مەيماندار قاتىستى. الماتى ۋنيۆەرسياداسىنا الەمنىڭ 57 ەلىنەن 2000-نان استام سپورتشى كەلگەن ەدى. تىكەلەي تاراتىلعان تەلەحابارعا الەمنىڭ 80 ەلى, ميلليونداعان كورەرمەن اۋديتورياسى كوز تىكتى. بارلىعى 11 كۇنگە سوزىلعان جارىستا قىس­قى سپورتتىڭ 12 تۇرىنەن 85 مەدال جيىنتىعى ساراپقا سالىندى... ۇلتتىق ماقتانىشىمىز – « ۇلىتاۋ» ساز توبىنىڭ «جۇ­مىر قىلىش» كۇيى تارتىلىپ, «الماتى ارەناداعى» سالتانات ودان ءارى جالعاستى. قازاقستان رەسپۋبليكاسىنىڭ ءانۇرانىن جاس دارىن اسەت بالعازين باس­تاپ, اباي اتىنداعى وپەرا جانە بالەت تەاترىنىڭ حور كاپەللاسى اياقتادى. ءانۇران اياق­تالىسىمەن الەمنىڭ ءار بۇرىشىنان الما­تىعا جەڭىس­تەرگە جەتۋ ءۇشىن ۇمىتپەن كەل­گەن سپورتشىلار شەرۋگە شىق­تى. مۇز سارايىنىڭ ۇلكەن ديسپلەيىندە جۇلدىزى جانعان ءجۇل­دەگەرلەردىڭ بەينەسى كور­سەتىلدى. ۋنيۆەرسيادانىڭ شاشاۋسىز وتكەن ويىندارى مەن بارلىق ءىس-شارالارىنا, مادەني دەمالىسىنا جاردەم ەتكەن 3000 ۆولونتەرگە راحمەت ايتىلدى. العىس ارقالاعاندار اراسىندا كانادادان كەلگەن 78 جاستاعى مايكل گەنري حيل مەن پاراليمپيالىق ويىندارعا قا­تىسۋشى, ءى توپتاعى مۇگە­دەك سەرىك ەلامانوۆ تا بار. «مىڭ بوياۋلى الماتى» قويىلىمىنان كەيىن قازاق­ستان رەسپۋبليكاسىنىڭ پرە­مەر-ءمينيسترى باقىتجان ساعىن­تاەۆقا ءسوز بەرىلدى. – مىڭجىلدىق تاريحى بار الماتى ەكى اپتا بويى الەمنىڭ سپورت سۇيەر قاۋىمىنىڭ كوز تارتار ورتالىعىنا اينالدى. وسى ۋاقىت ىشىنىدە, الەم قازاقستاندى, قازاقستان الەمدى جاڭا قىرىنان تانىدى. حالىقارالىق قاۋىمداستىق حالقىمىزدىڭ تامىرى تەرەڭ مادەنيەتى مەن قانىنا بىتكەن قوناقجايلىلىعىن, ۇزدىكسىز دامۋدىڭ الەمدىك باسەكەلەستىك قايراتىن سەزدى. الماتى ۋنيۆەرسياداسى الەم سپورتىنا وزىندىك ءىزىن قالدىردى, – دەدى ۇكىمەت باسشىسى. – ءدۇبىرلى سالتاناتتىڭ اشىلۋ راسىمىندە ەلباسى نۇرسۇلتان نازارباەۆ «سپورت – بەيبىتشىلىك پەن تاتۋلىقتىڭ ىنتىماقتاستىق پەن تىلەكتەستىكتىڭ سيمۆولى. جەر-جاھان كوز تىككەن بۇل ۋنيۆەرسيادا ناعىز جاستىق جىگەردىڭ الامانى, جارقىن جەڭىستەردىڭ باستاۋى, بولاشاق وليمپيادا چەمپيوندارىنىڭ مەكتەبى» دەگەن بولاتىن. راسىمەن دە حالىقپەن حالىقتى, ماقساتى ءبىر جاستاردى بىرىكتىرگەن ۋنيۆەرسيادا ەڭ اۋەلى شۋاقتى باس قوسۋ بولدى, – دەگەن باقىتجان ساعىنتاەۆ قازاق ەلىنىڭ ابىرويىن اسقاقتاتىپ, الەمنىڭ ءار بۇرىشىنان كەلگەن سپورتشىلارعا, قوناقتارعا, بارشا قاۋىمعا العىسىن قازاق, ورىس, اعىلشىن تىلدەرىندە جەتكىزدى. ەكى اپتانىڭ ىشىندە FISU پرەزيدەنتى ولەگ ماتىتسين دە قازاقشاعا توسەلىپ قالىپتى, ءسوزىن «قايىرلى كەش, الماتىدان!» باستاپ, ۋنيۆەرسيادا تاريحىندا ەرەكشە ءىز قالدىرعان الماتى ۋنيۆەرسياداسىنىڭ بارلىق قاتىسۋشىلارى مەن ەرىكتىلەرىنە, مەيماندارىنا, قالا تۇرعىندارىنا زور العىس ايتتى. الداعى 2019 جىلعى قىسقى ۋنيۆەرسيادا تۇڭعىش رەت رەسەيدە, كراسنويارسك قالاسىندا وتەدى. ۋنيۆەرسيادا جالاۋى ءتۇسىرىلىپ, الماتى قالاسىنىڭ اكىمى باۋىرجان بايبەك تۋدى كراسنويارسك قالاسىنىڭ باسشىسى ەدحام اكبۋلاتوۆتىڭ قولىنا تاپسىردى. وسىدان سوڭ «ورىس قىسىنىڭ استاناسى» سانالاتىن كراسنويارسك قالاسىنىڭ «حايرو» اتالاتىن تايمىر ۇلتتىق ءانسامبلى ونەر كورسەتتى. الماتىلىقتار قايتا قولعا العان شوۋ ۇستىندە ۋنيۆەرسيادانىڭ سيمۆولى –سۇڭقار-بالاپان الماتىدا جارىس كۇندەرى وت شاشقان ۋنيۆەرسيادا الاۋىن ءوشىردى. الماتىلىقتارمەن بىرگە كۇللى الەمنىڭ بارشا ۋنيۆەرسيادا جارىستارىنىڭ جانكۇيەرلەرى سپورتتىق سالتاناتپەن قوشتاستى. الماتىم سەن امان بول, سالەم كراسنويارسك! تالعات ءسۇيىنباي, «ەگەمەن قازاقستان» الماتى.