مەملەكەت باسشىسى بيىلعى جولداۋىندا «يندۋستريا 4.0» پروتسەسىن قازاقستاندا دامىتۋعا ايرىقشا نازار اۋداردى, دەپ جازادى قر ينۆەستيتسيا جانە دامۋ ءمينيسترى جەڭىس قاسىمبەك فەيسبۋكتەگى پاراقشاسىندا.
"كوپشىلىككە «يندۋستريا 4.0» رەتىندە بەلگىلى ءتورتىنشى ونەركاسىپتىك رەۆوليۋتسيا بۇگىندە الەمدەگى جاھاندىق ەكونوميكالىق ماڭىزى بار تەندەنتسياعا اينالدى. «يندۋستريا 4.0» ونەركاسىپ سالالارىن ترانسفورماتسيالاۋ ءۇشىن الدىڭعى قاتارلى اقپاراتتىق كوممۋنيكاتسيالىق تەحنولوگيانى كەڭىنەن قولدانۋعا قاجەت.
مەملەكەت باسشىسىنىڭ تاپسىرماسى مەن ەلىمىزدەگى حالىقارالىق تاجىريبەگە سايكەس, «يندۋستريا 4.0» نەگىزىندە بىرتىندەپ ونەركاسىپتى تەحنولوگيالىق جاڭعىرتۋدىڭ كەشەندى شاراسى مەن ءتيىستى تۇجىرىمداما ازىرلەنەتىن بولادى. جالپى, يندۋستريا 4.0 ەلەمەنتتەرىن ەنگىزۋ قازاقستان ونەركاسىبىنە قولدانىستاعى جۇيەنى جەڭىلدەتۋگە كومەكتەسەدى. جاڭا تەحنولوگيالار ەلەكتروندى فورماتتا دەرەكتەرمەن الماسۋدى ۇيىمداستىرۋعا جانە جەرگىلىكتى جەردە از مولشەرمەن شىعارۋعا مۇمكىندىك بەرەدى (مىسالى, اۆتوموبيل ونەركاسىبىنىڭ قاجەت بولشەكتەرى). ءوندىرىستى اۆتوماتتاندىرۋ ادام ەڭبەگىن الماستىرۋعا مۇمكىندىك بەرەدى. مىسالى, روبوتتالعان دانەكەرلەۋ كەشەنىنىڭ ءبىر وپەراتورى تاپشىلىعى ۇدايى سەزىلەتىن 5-10 بىلىكتى دانەكەرلەۋشىنى الماستىرا الادى. بۇل تۇرعىدا ولاردى وقىتۋعا جۇمسالاتىن شىعىن ازايادى, سونىمەن قاتار, سالاعا جاستاردى تارتۋدا كاسىپتىڭ بەدەلى ارتادى.
«BCG» ساراپشىلارىنىڭ پىكىرى بويىنشا, «يندۋستري 4.0» ەنگىزۋ گەرمانيادا وڭدەۋ ونەركاسىبىندە ونىمدىلىك 90 ملرد. ەۋرودان 150 ملرد. ەۋروعا دەيىن ارتقان. ال, نەمىس كومپانيالارىنىڭ قوسىمشا تابىسى جىلىنا 30 ملرد. ەۋرونى قۇرايدى. سونداي-اق, حالىقارالىق ساراپشىلاردىڭ پىكىرىنشە, «يندۋستريا 4.0.» تەحنولوگياسىنا كوشۋگە 20 جىلعا جۋىق ۋاقىت قاجەت. دەگەنمەن, قازىردىڭ وزىندە ساندىق نەگىزگە كوشۋ ءۇشىن ءتيىستى العىشارتتاردى جاساۋ كەرەك. مىسالى, ءتۇرلى ەلدەردە ورتاشا جانە ۇزاقمەرزىمدى باستامالار مەن «يندۋستريا 4.0.» تەحنولوگياسىن ەنگىزۋدىڭ ءتيىستى تۇجىرىمدامالارى قابىلدانعان: «Industrie 4.0» (گەرمانيا), «Industrie du Futur» (فرانتسيادا), «Manufacturing innovation 3.0» (وڭتۇستىك كورەيادا), «Make in India» ء(ۇندىستان), «Industria Conectada 4.0» (يسپانيادا), «ۇلتتىق تەحنولوگيالىق باستاما» (رف), «The New Robot Strategy» (جاپونيا), «Manifattura Italia» (يتاليا), China Manufacturing 2025 (قحر) جانە ت.ب", - دەيدى مينيستر.